main sona chahta hun
maiñ sonā chāhtā huuñ
maiñ vāpas apne gum-shuda ḳhvāb
kī naav meñ
sonā chāhtā huuñ
marī huī machhliyoñ jaisī
tez shar-añgez mahak ke
zer-e-asar
huā yuuñ ki maiñ ne apne badan par
giilī lazīz uñgliyoñ ko
reñgte mahsūs kiyā
vo do ḳhūbsūrat haath the
marjānī patthar se tarāshīda
kisī jādūī ḳhayāl jaisī
kuñvārī laash
mere pahlū meñ
achānak bedārī
binā kuchh soche
maiñ raat kī nadī meñ kuud gayā
sāhil kī samt
musalsal tairtā huā
jahāñ giilī ret par
udaas kachhve
aane vaale zamānoñ ke
anDe dafn kar ke
vāpsī ke safar par
reñgte haiñ
mujhe aspatāloñ meñ batāyā gayā
maiñ lā-ilāj huuñ
mujhe mere āḳhirī pal tak
udaas kachhuoñ ke pairoñ kī
be-āvāz aahaT
sone nahīñ degī
main sona chahta hun
main wapas apne gum-shuda KHwab
ki naw mein
sona chahta hun
mari hui machhliyon jaisi
tez shar-angez mahak ke
zer-e-asar
hua yun ki main ne apne badan par
gili laziz ungliyon ko
rengte mahsus kiya
wo do KHubsurat hath the
marjaani patthar se tarashida
kisi jadui KHayal jaisi
kunwari lash
mere pahlu mein
achanak bedari
bina kuchh soche
main raat ki nadi mein kud gaya
sahil ki samt
musalsal tairta hua
jahan gili ret par
udas kachhwe
aane wale zamanon ke
anDe dafn kar ke
wapsi ke safar par
rengte hain
mujhe aspatalon mein bataya gaya
main la-ilaj hun
mujhe mere aaKHiri pal tak
udas kachhuon ke pairon ki
be-awaz aahaT
sone nahin degi
Source:
Tasteer (Pg. 197)
-
- Publisher: Book Corner, Pakistan
- Year of Publication: 2017
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.