main to ek wajud-e-KHayal hun

maiñ to ik vajūd-e-ḳhayāl huuñ

mujhe jis tarah se bhī soch lo

maiñ yaqīñ bhī huuñ maiñ gumāñ bhī huuñ

maiñ yahāñ bhī huuñ maiñ vahāñ bhī huuñ

kabhī fikr meñ kabhī zikr meñ

kabhī josh meñ kabhī hosh meñ

kabhī ḳhud se ḳhud kī talāsh meñ

kabhī maiñ nahīñ kabhī jaañ nahīñ

ki maiñ mubtalā-e-junūn huuñ

maiñ ḳhudī meñ ḳhud kā sukūn huuñ

yahī ishq hai mirā kārvāñ

maiñ kidhar nahīñ maiñ kahāñ nahīñ

mirā yaar mujh meñ maiñ yaar meñ

maiñ huuñ be-ḳhudī ke ḳhumār meñ

mirā yaar mujh meñ hai raqs-zan

maiñ ravāñ ravāñ bhī ravāñ nahīñ

mirī rāhatoñ meñ tū jalva-gar

mirī vahshatoñ kā tū ham-safar

mirā hijr tū mirā vasl tū

mire ghar kā ek patā hai bas

jahāñ tū nahīñ maiñ vahāñ nahīñ

main to ek wajud-e-KHayal hun

mujhe jis tarah se bhi soch lo

main yaqin bhi hun main guman bhi hun

main yahan bhi hun main wahan bhi hun

kabhi fikr mein kabhi zikr mein

kabhi josh mein kabhi hosh mein

kabhi KHud se KHud ki talash mein

kabhi main nahin kabhi jaan nahin

ki main mubtala-e-junun hun

main KHudi mein KHud ka sukun hun

yahi ishq hai mera karwan

main kidhar nahin main kahan nahin

mera yar mujh mein main yar mein

main hun be-KHudi ke KHumar mein

mera yar mujh mein hai raqs-zan

main rawan rawan bhi rawan nahin

meri rahaton mein tu jalwa-gar

meri wahshaton ka tu ham-safar

mera hijr tu mera wasl tu

mere ghar ka ek pata hai bas

jahan tu nahin main wahan nahin