main tumhein kya de sakta hun
maiñ tumheñ kyā de saktā huuñ
tarbūz kī ek qaash jis par hamāre bachchoñ ne daañt gaaḌ diye haiñ
ek jaal jise chūhoñ ne jagah jagah se kutar liyā hai
nazmoñ kī ek kitāb jise ghaḌau۔nchī kī buniyād meñ dafn kar diyā gayā
ek pālnā jis kī rassiyāñ kaaT dī ga.iiñ
ek kūchī jo pichhle tiis saal se rangoñ meñ Duubī huī hai
ek naam jis se maiñ tumheñ pukārnā chāhtā huuñ
maiñ tumheñ kyā de saktā huuñ is havā-dār makān ke sivā
jahāñ har chiiz tumhārā intizār kar rahī hai
main tumhein kya de sakta hun
tarbuz ki ek qash jis par hamare bachchon ne dant gaD diye hain
ek jal jise chuhon ne jagah jagah se kutar liya hai
nazmon ki ek kitab jise ghaDau۔nchi ki buniyaad mein dafn kar diya gaya
ek palna jis ki rassiyan kaT di gain
ek kuchi jo pichhle tis sal se rangon mein Dubi hui hai
ek nam jis se main tumhein pukarna chahta hun
main tumhein kya de sakta hun is hawa-dar makan ke siwa
jahan har chiz tumhaara intizar kar rahi hai
- Book : Mitti Ki Sundarta Dekho (Pg. 112)
- Author : Sarvat Husain
- Publication : Rekhta Publications (2018)
- Edition : First
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
