makan

ek luḌhkī huī vaadī meñ

bahut nīche ḳhalāoñ se

jahāñ dhundlī fazāoñ kā chalan hai

ḳhasta sā ek makāñ mujh ko virāsat meñ milā hai

jis tarah suukh ke zaḳhmoñ se girā kartī hai papḌī

us kī dīvāroñ se is tarah se girtā hai plastar

ek paañv pe khaḌe saare sutūñ thak se ga.e haiñ

ḳhurda dāñtoñ kī tarah hiltī haiñ har taaq meñ īñTeñ

moch khaa.ī huī kuchh khiḌkiyāñ tirchhī sī khaḌī haiñ

kāñch dhundlā.e hue chaTḳhe hue

pahle bāhar kī taraf khultī thiiñ aflāk kī jānib

ab ye andar bhī nahīñ khultīñ agar saañs ghuTe

abr-ālūd haiñ ab

aur havāoñ meñ bhī sūrāḳh paḌe haiñ

merā paidā.eshī ghar hai mujhe rahnā hai yahīñ par

ek mailā sā falak hai to mire sar pe abhī tak

Dartā huuñ gir na paḌe sote meñ ek roz kahīñ

ek luDhki hui wadi mein

bahut niche KHalaon se

jahan dhundli fazaon ka chalan hai

KHasta sa ek makan mujh ko wirasat mein mila hai

jis tarah sukh ke zaKHmon se gira karti hai papDi

us ki diwaron se is tarah se girta hai plastar

ek panw pe khaDe sare sutun thak se gae hain

KHurda danton ki tarah hilti hain har taq mein inTen

moch khai hui kuchh khiDkiyan tirchhi si khaDi hain

kanch dhundlae hue chaTKHe hue

pahle bahar ki taraf khulti thin aflak ki jaanib

ab ye andar bhi nahin khultin agar sans ghuTe

abr-alud hain ab

aur hawaon mein bhi suraKH paDe hain

mera paidaeshi ghar hai mujhe rahna hai yahin par

ek maila sa falak hai to mere sar pe abhi tak

Darta hun gir na paDe sote mein ek roz kahin