makan

ik pahāḌī kī ūñchī choTī par

maiñ banā.ūñgā ek aisā ghar

jis meñ chāroñ havā.eñ ā.eñgī

aur sandese na.e suna.eñgī

aa ke bād-e-junūb-o-bād-e-shimāl

Daal degī sunahrī niiñd kī shaal

shaam ko sej par sulā.egī

sub.h ko muñh mirā dhulā.egī

mashriqī aur maġhribī jhoñke

jild ko merī saaf kar deñge

aur jab is ghar meñ raat aa.egī

tīrgī chaar samt chhā.egī

jhiil hogī siyāh shab mad.hosh

chāñd aur phuul chup havā ḳhāmosh

to mirā ghar samāñ dikhā.egā

chāñd tāroñ meñ muskurā.egā

ek pahaDi ki unchi choTi par

main banaunga ek aisa ghar

jis mein chaaron hawaen aaengi

aur sandese nae sunaengi

aa ke baad-e-junub-o-baad-e-shimal

Dal degi sunahri nind ki shaal

sham ko sej par sulaegi

subh ko munh mera dhulaegi

mashriqi aur maghribi jhonke

jild ko meri saf kar denge

aur jab is ghar mein raat aaegi

tirgi chaar samt chhaegi

jhil hogi siyah shab madhosh

chand aur phul chup hawa KHamosh

to mera ghar saman dikhaega

chand taron mein muskuraega