march 1907

Allama Iqbal

march 1907

Allama Iqbal

MORE BYAllama Iqbal

    zamāna aayā hai be-hijābī aam dīdār-e-yār hogā

    sukūt thā parda-dār jis vo raaz ab āshkār hogā

    guzar gayā ab vo daur-e-sāqī ki chhup ke piite the piine vaale

    banegā saarā jahān mai-ḳhāna har koī bāda-ḳhvār hogā

    kabhī jo āvāra-e-junūñ the vo bastiyoñ meñ phir aa baseñge

    barahna-pā.ī vahī rahegī magar nayā ḳhārzār hogā

    sunā diyā gosh-e-muntazir ko hijāz ḳhāmushī ne āḳhir

    jo ahd sahrā.iyoñ se bāñdhā gayā thā phir ustuvār hogā

    nikal ke sahrā se jis ne ruumā saltanat ko ulaT diyā thā

    sunā hai ye qudsiyoñ se maiñ ne vo sher phir hoshiyār hogā

    kiyā mirā tazkira jo saaqī ne bāda-ḳhvāroñ anjuman meñ

    to pīr-e-mai-ḳhāna sun ke kahne lagā ki muñh-phaT hai ḳhvār hogā

    dayār-e-maġhrib ke rahne vaalo ḳhudā bastī dukāñ nahīñ hai

    kharā jise tum samajh rahe ho vo ab zar-e-kam-ayār hogā

    tumhārī tahzīb apne ḳhanjar se aap ḳhud-kushī karegī

    jo shāḳh-e-nāzuk pe āshiyāna banegā nā-pā.edār hogā

    safīna-e-barg-e-gul banā legā qāfila mor-e-nā-tavāñ

    hazār maujoñ ho kashākash magar ye dariyā se paar hogā

    chaman meñ laala dikhātā phirtā hai daaġh apnā kalī kalī ko

    ye jāntā hai ki is dikhāve se dil-jaloñ meñ shumār hogā

    jo ek thā ai nigāh ne hazār kar ke hameñ dikhāyā

    yahī agar kaifiyat hai terī to phir kise e'tibār hogā

    kahā jo qumrī se maiñ ne ik din yahāñ ke āzād pā-ba-gil haiñ

    ġhunche kahne lage hamāre chaman ye rāzdār hogā

    ḳhudā ke āshiq to haiñ hazāroñ banoñ meñ phirte haiñ maare maare

    maiñ us banda banūñgā jis ko ḳhudā ke bandoñ se pyaar hogā

    ye rasm-e-bazm-e-fanā hai ai dil gunāh hai jumbish-e-nazar bhī

    rahegī kyā aabrū hamārī jo yahāñ be-qarār hogā

    maiñ zulmat-e-shab meñ le ke niklūñgā apne dar-māñda kārvāñ ko

    sharar-fishāñ hogī aah merī nafas mirā shola-bār hogā

    nahīñ hai ġhair-az-numūd kuchh bhī jo mudda.ā terī zindagī

    ik nafas meñ jahāñ se miTnā tujhe misāl-e-sharār hogā

    na pūchh 'iqbāl' Thikānā abhī vahī kaifiyat hai us

    kahīñ sar-e-rāh-guzār baiThā sitam-kash-e-intizār hogā

    zamana aaya hai be-hijabi ka aam didar-e-yar hoga

    sukut tha parda-dar jis ka wo raaz ab aashkar hoga

    guzar gaya ab wo daur-e-saqi ki chhup ke pite the pine wale

    banega sara jahan mai-KHana har koi baada-KHwar hoga

    kabhi jo aawara-e-junun the wo bastiyon mein phir aa basenge

    barahna-pai wahi rahegi magar naya KHarzar hoga

    suna diya gosh-e-muntazir ko hijaz ki KHamushi ne aaKHir

    jo ahd sahraiyon se bandha gaya tha phir ustuwar hoga

    nikal ke sahra se jis ne ruma ki saltanat ko ulaT diya tha

    suna hai ye qudsiyon se main ne wo sher phir hoshiyar hoga

    kiya mera tazkira jo saqi ne baada-KHwaron ki anjuman mein

    to pir-e-mai-KHana sun ke kahne laga ki munh-phaT hai KHwar hoga

    dayar-e-maghrib ke rahne walo KHuda ki basti dukan nahin hai

    khara jise tum samajh rahe ho wo ab zar-e-kam-ayar hoga

    tumhaari tahzib apne KHanjar se aap hi KHud-kushi karegi

    jo shaKH-e-nazuk pe aashiyana banega na-paedar hoga

    safina-e-barg-e-gul bana lega qafila mor-e-na-tawan ka

    hazar maujon ki ho kashakash magar ye dariya se par hoga

    chaman mein lala dikhata phirta hai dagh apna kali kali ko

    ye jaanta hai ki is dikhawe se dil-jalon mein shumar hoga

    jo ek tha ai nigah tu ne hazar kar ke hamein dikhaya

    yahi agar kaifiyat hai teri to phir kise e'tibar hoga

    kaha jo qumri se main ne ek din yahan ke aazad pa-ba-gil hain

    tu ghunche kahne lage hamare chaman ka ye raazdar hoga

    KHuda ke aashiq to hain hazaron banon mein phirte hain mare mare

    main us ka banda banunga jis ko KHuda ke bandon se pyar hoga

    ye rasm-e-bazm-e-fana hai ai dil gunah hai jumbish-e-nazar bhi

    rahegi kya aabru hamari jo tu yahan be-qarar hoga

    main zulmat-e-shab mein le ke niklunga apne dar-manda karwan ko

    sharar-fishan hogi aah meri nafas mera shola-bar hoga

    nahin hai ghair-az-numud kuchh bhi jo muddaa teri zindagi ka

    tu ek nafas mein jahan se miTna tujhe misal-e-sharar hoga

    na puchh 'iqbaal' ka Thikana abhi wahi kaifiyat hai us ki

    kahin sar-e-rah-guzar baiTha sitam-kash-e-intizar hoga

    Videos
    This video is playing from YouTube

    Videos
    This video is playing from YouTube

    Zia Mohyeddin

    Zia Mohyeddin

    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY