marne wale ke kamre mein

yuuñ rag o pai meñ ajal utrī hai

haath sākit haiñ duā kyā māñgeñ

aañkh ḳhāmosh hai, kyā dekhegī

hoñT ḳhvābīda haiñ kyā boleñge

ek sannāTā abad-tābā-abad

johd-e-yak-umr kā hāsil Thahre

dard kā shola rag-e-jāñ kā lahū

jins-e-be-māya the be-māyā rahe

tiira ḳhaak un kī ḳharīdār bane

nik.hat-e-gul kī tarah āvāra

bū-e-jāñ vus.at-e-āfāq meñ gum

yak kaf-e-ḳhāk hai vo bhī kab tak?

sub.h kī os se āñkheñ dho lo

kamre se jhāñk ke bāhar dekho

aise masrūf tag-o-tāz haiñ sab

jaise kal un ke muqaddar meñ nahīñ

maiñ tamāshā.ī huuñ har manzar kā

jaise kal mere muqaddar meñ nahīñ

yun rag o pai mein ajal utri hai

hath sakit hain dua kya mangen

aankh KHamosh hai, kya dekhegi

honT KHwabida hain kya bolenge

ek sannaTa abad-taba-abad

johd-e-yak-umr ka hasil Thahre

dard ka shola rag-e-jaan ka lahu

jins-e-be-maya the be-maya rahe

tera KHak un ki KHaridar bane

nikhat-e-gul ki tarah aawara

bu-e-jaan wusat-e-afaq mein gum

yak kaf-e-KHak hai wo bhi kab tak?

subh ki os se aankhen dho lo

kamre se jhank ke bahar dekho

aise masruf tag-o-taz hain sab

jaise kal un ke muqaddar mein nahin

main tamashai hun har manzar ka

jaise kal mere muqaddar mein nahin