marsiye

1

duur jā kar qarīb ho jitne

ham se kab tum qarīb the itne

ab na aaoge tum na jāoge

vasl-e-hijrāñ baham hue kitne

2

chāñd nikle kisī jānib tirī zebā.ī kā

rañg badle kisī sūrat shab-e-tanhā.ī kā

daulat-e-lab se phir ai ḳhusrav-e-shīrīñ-dahanāñ

aaj arzāñ ho koī harf shanāsā.ī kā

garmi-e-rashk se har anjuman-e-gul-badanāñ

tazkira chheḌe tirī pairahan-ārā.ī kā

sehn-e-gulshan meñ kabhī ai shah-e-shamshād-qadāñ

phir nazar aa.e salīqa tirī ra.anā.ī kā

ek baar aur masīhā-e-dil-e-dil-zadagāñ

koī va.ada koī iqrār masīhā.ī kā

sāz-o-sāmān baham pahuñchā hai rusvā.ī kā

3

kab tak dil kī ḳhair manā.eñ kab tak rah dikhlāoge

kab tak chain kī mohlat doge kab tak yaad na aaoge

biitā diid ummīd kā mausam ḳhaak uḌtī hai āñkhoñ meñ

kab bhejoge dard kā bādal kab barkhā barsāoge

ahd-e-vafā yā tark-e-mohabbat jo chāho so aap karo

apne bas kī baat hī kyā hai ham se kyā manvāoge

kis ne vasl kā sūraj dekhā kis par hijr kī raat Dhalī

gesuoñ vaale kaun the kyā the un ko kyā jatlāoge

'faiz' diloñ ke bhaag meñ hai ghar bharnā bhī luT jaanā bhī

tum is husn ke lutf-o-karam par kitne din itrāoge

1

dur ja kar qarib ho jitne

hum se kab tum qarib the itne

ab na aaoge tum na jaoge

wasl-e-hijran baham hue kitne

2

chand nikle kisi jaanib teri zebai ka

rang badle kisi surat shab-e-tanhai ka

daulat-e-lab se phir ai KHusraw-e-shirin-dahanan

aaj arzan ho koi harf shanasai ka

garmi-e-rashk se har anjuman-e-gul-badanan

tazkira chheDe teri pairahan-arai ka

sehn-e-gulshan mein kabhi ai shah-e-shamshad-qadan

phir nazar aae saliqa teri ranai ka

ek bar aur masiha-e-dil-e-dil-zadagan

koi wada koi iqrar masihai ka

saz-o-saman baham pahuncha hai ruswai ka

3

kab tak dil ki KHair manaen kab tak rah dikhlaoge

kab tak chain ki mohlat doge kab tak yaad na aaoge

bita did ummid ka mausam KHak uDti hai aankhon mein

kab bhejoge dard ka baadal kab barkha barsaoge

ahd-e-wafa ya tark-e-mohabbat jo chaho so aap karo

apne bas ki baat hi kya hai hum se kya manwaoge

kis ne wasl ka suraj dekha kis par hijr ki raat Dhali

gesuon wale kaun the kya the un ko kya jatlaoge

'faiz' dilon ke bhag mein hai ghar bharna bhi luT jaana bhi

tum is husn ke lutf-o-karam par kitne din itraoge