mashriq haar gaya

Saleem Ahmed

mashriq haar gaya

Saleem Ahmed

MORE BYSaleem Ahmed

    'kipling' ne kahā thā

    ''mashriq mashriq hai

    aur maġhrib maġhrib hai

    aur donoñ milnā nā-mumkin hai''

    lekin maġhrib mashriq ke ghar-āñgan meñ aa pahuñchā hai

    merā naukar b.b.c se ḳhabreñ suntā hai

    maiñ 'be-dil' aur 'hāfiz' ke bajā.e

    'shakespeare' aur 'rilke' bāteñ kartā huuñ

    aḳhbāroñ meñ

    maġhrib ke chakloñ ḳhabreñ aur tasvīreñ chhaptī haiñ

    mujh ko chuggī dāḌhī vaale 'akbar' khisyānī hañsī par

    .....rahm aatā hai

    iqbāl bāteñ (gustāḳhī hotī hai)

    majzūb baḌ haiñ

    'vāris-shāh' aur 'bullhe-shāh' aur 'bābā-farīd'?

    chaliye jaane diije in bātoñ meñ kyā rakkhā hai

    mashriq haar gayā hai!

    ye 'baksar' aur 'palāsī' haar nahīñ hai

    'Tīpū' aur jhāñsī-kī-rānī haar nahīñ hai

    san-sattavan jañg-e-āzādī haar nahīñ hai

    aisī haar to jiitī saktī hai (shāyad ham ne jiit bhī hai)

    lekin mashriq apnī ruuh ke andar haar gayā hai

    qubla-ḳhān tum haar ga.e ho!

    aur tumhāre TukḌoñ par palne vaalā lālchī mārko-polo

    .....jiit gayā hai

    akbar-e-āzam! tum ko maġhrib jis ayyāra ne tohfe bheje the

    aur baḌā bhaa.ī likkhā thā

    us ke kutte bhī in logoñ se afzal haiñ

    jo tumheñ mahā-balī aur zillullāh kahā karte the

    mashriq kyā thaa?

    jism se uupar uThne ik ḳhvāhish thī

    shahvat aur jibillat tārīkī meñ

    ik diyā jalāne koshish thii!

    maiñ soch rahā huuñ, sūraj mashriq se niklā thā

    (mashriq se jaane kitne sūraj nikle the)

    lekin maġhrib har sūraj ko nigal gayā hai

    ''maiñ haar gayā hūñ''

    maiñ ne apne ghar dīvāroñ par likkhā hai

    ''maiñ haar gayā hūñ''

    maiñ ne apne ā.īñe par kālak mal hai

    aur tasvīroñ par thūkā hai

    hārne vaale chehre aise hote haiñ

    merī ruuh ke andar ik aisā gahrā zaḳhm lagā hai

    jis ke bharne ke liye sadiyāñ bhī nā-kāfī haiñ

    maiñ apne bachche aur kutte donoñ ko 'Tīpū' kahtā huuñ

    mujh se merā sab kuchh le lo

    aur mujhe ik nafrat de do

    mujh se merā sab kuchh le lo

    aur mujhe ik ġhussa de do

    aisī nafrat aisā ġhussa

    jis aag meñ sab jal jaa.eñ

    .....maiñ bhī!!

    'kipling' ne kaha tha

    mashriq mashriq hai

    aur maghrib maghrib hai

    aur donon ka milna na-mumkin hai

    lekin maghrib mashriq ke ghar-angan mein aa pahuncha hai

    mera naukar bbc se KHabren sunta hai

    main 'be-dil' aur 'hafiz' ke bajae

    'shakespeare' aur 'rilke' ki baaten karta hun

    aKHbaron mein

    maghrib ke chaklon ki KHabren aur taswiren chhapti hain

    mujh ko chuggi daDhi wale 'akbar' ki khisyani hansi par

    rahm aata hai

    iqbaal ki baaten (gustaKHi hoti hai)

    majzub ki baD hain

    'waris-shah' aur 'bullhe-shah' aur 'baba-farid'?

    chaliye jaane dije in baaton mein kya rakkha hai

    mashriq haar gaya hai!

    ye 'baksar' aur 'palasi' ki haar nahin hai

    'Tipu' aur jhansi-ki-rani ki haar nahin hai

    san-sattawan ki jang-e-azadi ki haar nahin hai

    aisi haar to jiti ja sakti hai (shayad hum ne jit bhi li hai)

    lekin mashriq apni ruh ke andar haar gaya hai

    qubla-KHan tum haar gae ho!

    aur tumhaare TukDon par palne wala lalchi marko-polo

    jit gaya hai

    akbar-e-azam! tum ko maghrib ki jis ayyara ne tohfe bheje the

    aur baDa bhai likkha tha

    us ke kutte bhi in logon se afzal hain

    jo tumhein maha-bali aur zillullah kaha karte the

    mashriq kya tha?

    jism se upar uThne ki ek KHwahish thi

    shahwat aur jibillat ki tariki mein

    ek diya jalane ki koshish thi!

    main soch raha hun, suraj mashriq se nikla tha

    (mashriq se jaane kitne suraj nikle the)

    lekin maghrib har suraj ko nigal gaya hai

    main haar gaya hun

    main ne apne ghar ki diwaron par likkha hai

    main haar gaya hun

    main ne apne aaine par kalak mal di hai

    aur taswiron par thuka hai

    haarne wale chehre aise hote hain

    meri ruh ke andar ek aisa gahra zaKHm laga hai

    jis ke bharne ke liye sadiyan bhi na-kafi hain

    main apne bachche aur kutte donon ko 'Tipu' kahta hun

    mujh se mera sab kuchh le lo

    aur mujhe ek nafrat de do

    mujh se mera sab kuchh le lo

    aur mujhe ek ghussa de do

    aisi nafrat aisa ghussa

    jis ki aag mein sab jal jaen

    main bhi!!

    Videos
    This video is playing from YouTube

    Videos
    This video is playing from YouTube

    Saleem Ahmed

    Saleem Ahmed

    RECITATIONS

    Saleem Ahmed

    Saleem Ahmed

    Saleem Ahmed

    mashriq haar gaya Saleem Ahmed

    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY