aaj ik aur baras biit gayā us ke baġhair

jis ke hote hue hote the zamāne mere

CANCEL DOWNLOAD SHER

maslahat

MORE BYNaresh Kumar Shad

    chāñdnī raat ke hañste hue ḳhvāboñ tarah

    nuqra.ī jism shādāb gulistāñ le kar

    shoḳh āñkhoñ ke chhalakte hue paimānoñ meñ

    mujh tahī-dast ke ālām darmāñ le kar

    aaj jin ko bujhāne ke liye aa.ī hai

    unhīñ sho.aloñ se mire dil ne jilā paa.ī hai

    unhīñ sho.aloñ tab-o-tāb hai jis ne ab tak

    mere idrāk ko be-soz nahīñ rakkhā hai

    jabr chhāñv meñ parvān chaḌhā huuñ phir bhī

    maiñ ne insān azmat pe yaqīñ rakkhā hai

    aise sho.aloñ tapish terī panāhoñ meñ kahāñ

    aur ye soz-e-yaqīñ terī nigāhoñ meñ kahāñ

    unhīñ sho.aloñ tamāzat sahārā le kar

    barbariyyat ke har aivān se Takrāyā huuñ

    har kaḌe vaqt meñ sañgīn chaTānoñ tarah

    tund hālāt ke tūfān se Takrāyā huuñ

    kahāñ aur mirī jur.at-e-be-bāk kahāñ

    tujh ko is kāhish-e-jāñ-soz idrāk kahāñ

    ab yahī sho.ale mirī fikr-o-nazar meñ Dhal kar

    husn-e-ehsās shahkār nazar aate haiñ

    is tamaddun ghanī raat ke sannāTe meñ

    sub.h tarah ziyā-bār nazar aate haiñ

    aur kahtī hai is subah saudā kar luuñ

    dil meñ in sho.aloñ ke badle tire jalve bhar luuñ

    jab bhaḌak uTTheñge har sard-o-siyah siine meñ

    yahī sho.ale dil-e-āfāq ko lau baḳhsheñge

    tīra-o-tār dimāġhoñ ko bujhe chehroñ ko

    azm-o-ummīd gaatī huī zau baḳhsheñge

    aur ye zau banegī tire jalvoñ kafan

    aag ho jā.egā is se tirā shādāb-e-chaman

    mere ālām darmāñ tirī āñkhoñ meñ nahīñ

    apne ehsās ko siine meñ tapāñ rakkhūñgā

    aaj tak maiñ ne jise shola-fishāñ rakkhā hai

    ab bhī vo aag yūñhī shola-fishāñ rakkhūñgā

    mujh ko ehsās hai lekin tujhe ehsās nahīñ

    tere dāman havā mere liye raas nahīñ

    chandni raat ke hanste hue KHwabon ki tarah

    nuqrai jism ka shadab gulistan le kar

    shoKH aankhon ke chhalakte hue paimanon mein

    mujh tahi-dast ke aalam ka darman le kar

    aaj tu jin ko bujhane ke liye aai hai

    unhin shoalon se mere dil ne jila pai hai

    unhin shoalon ki tab-o-tab hai jis ne ab tak

    mere idrak ko be-soz nahin rakkha hai

    jabr ki chhanw mein parwan chaDha hun phir bhi

    main ne insan ki azmat pe yaqin rakkha hai

    aise shoalon ki tapish teri panahon mein kahan

    aur ye soz-e-yaqin teri nigahon mein kahan

    unhin shoalon ki tamazat ka sahaara le kar

    barbariyyat ke har aiwan se Takraya hun

    har kaDe waqt mein sangin chaTanon ki tarah

    tund haalat ke tufan se Takraya hun

    tu kahan aur meri jurat-e-be-bak kahan

    tujh ko is kahish-e-jaan-soz ka idrak kahan

    ab yahi shoale meri fikr-o-nazar mein Dhal kar

    husn-e-ehsas ka shahkar nazar aate hain

    is tamaddun ki ghani raat ke sannaTe mein

    subh ki tarah ziya-bar nazar aate hain

    aur tu kahti hai is subah ka sauda kar lun

    dil mein in shoalon ke badle tere jalwe bhar lun

    jab bhaDak uTThenge har sard-o-siyah sine mein

    yahi shoale dil-e-afaq ko lau baKHshenge

    tira-o-tar dimaghon ko bujhe chehron ko

    azm-o-ummid ki gati hui zau baKHshenge

    aur ye zau hi banegi tere jalwon ka kafan

    aag ho jaega is se tera shadab-e-chaman

    mere aalam ka darman teri aankhon mein nahin

    apne ehsas ko sine mein tapan rakkhunga

    aaj tak main ne jise shola-fishan rakkha hai

    ab bhi wo aag yunhi shola-fishan rakkhunga

    mujh ko ehsas hai lekin tujhe ehsas nahin

    tere daman ki hawa mere liye ras nahin

    Source:

    Sangam (Pg. 76)

    • Author: Naresh Kumar Shad
      • Edition: 1960
      • Publisher: New Taj Office,Delhi
      • Year of Publication: 1960
    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY

    Jashn-e-Rekhta | 8-9-10 December 2023 - Major Dhyan Chand National Stadium, Near India Gate - New Delhi

    GET YOUR PASS
    Speak Now