mastana hijDa

maulā tirī galī meñ

sardī baras rahī thī

shāyad isī sabab se

mastāna hījḌā bhī

visky pahan ke niklā

tennis ke baal

kastī añgiyā meñ

ghus-ghusā ke

pistān ban ga.e the

shahvat ke surḳh Dore

surma lagāne vaalī

āñkhoñ meñ tan ga.e the

ik dam se

chalte chalte

us ne kamar ke jhaTke se

raah chalne vaale

shohdoñ, harām-ḳhoroñ

se iltifāt māñgā

aur da.avat-e-nazar dī

us ke zaḳhīm

kūlhoñ ne

aag aur lazzat

ḳhālī diloñ meñ bhar dī

us ne hatheliyoñ ke gadde

ragaḌ ragaḌ ke

vo tāliyāñ uḌā.īñ

mehñdī ke rañg

titlī ban ke havā meñ

apne par taulne lage the

phir jān-dār hoñToñ

se pān-dār bose

chhan chhan chhalak chhalak ke

har manchalī nazar meñ

ras gholne lage the

vo aaj lahr meñ thā

missī kī chhab dikhā ke

nathane phulā phulā ke

uñglī nachā nachā ke

us ne maze meñ aa ke

hañs kar kahā ki ''sālo''

maiñ to janam janam se

apne hī āñsuoñ meñ

Duubā huā paḌā huuñ

shāyad zamīr-e-ālam ke

tañg maqbare meñ

zinda gaḌā huā huuñ

maula teri gali mein

sardi baras rahi thi

shayad isi sabab se

mastana hijDa bhi

wisky pahan ke nikla

tennis ke baal

kasti angiya mein

ghus-ghusa ke

pistan ban gae the

shahwat ke surKH Dore

surma lagane wali

aankhon mein tan gae the

ek dam se

chalte chalte

us ne kamar ke jhaTke se

rah chalne wale

shohdon, haram-KHoron

se iltifat manga

aur dawat-e-nazar di

us ke zaKHim

kulhon ne

aag aur lazzat

KHali dilon mein bhar di

us ne hatheliyon ke gadde

ragaD ragaD ke

wo taliyan uDain

mehndi ke rang

titli ban ke hawa mein

apne par taulne lage the

phir jaan-dar honTon

se pan-dar bose

chhan chhan chhalak chhalak ke

har manchali nazar mein

ras gholne lage the

wo aaj lahr mein tha

missi ki chhab dikha ke

nathane phula phula ke

ungli nacha nacha ke

us ne maze mein aa ke

hans kar kaha ki salo

main to janam janam se

apne hi aansuon mein

Duba hua paDa hun

shayad zamir-e-alam ke

tang maqbare mein

zinda gaDa hua hun