maulana mohammad-ali marhum jauhar

sahar ke jhuTpuTe meñ gā rahī thī raat kī lailā

chaman meñ baj rahā thā satvat-e-rafta kā ik taara

munaqqash thiiñ fazā meñ jā-ba-jā anvār kī shakleñ

mujhe paiġhām jalva de rahī thiiñ surmagīñ āñkheñ

falak par lukka-e-abr-e-subuk-raftār raqsāñ thā

bahisht-e-husn thā duniyā kī barnā.ī kā har zarra

abhī chheḌā na thā dil ne mire afsāna-e-māzī

ma.an añkhoñ ke aage khiñch ga.ī tasvīr 'jauhar' kī

salām aise mujāhid nek-sīrat pāk-tīnat par

jo apnī jaan tak qurbān kar de mulk-o-millat par

sahar ke jhuTpuTe mein ga rahi thi raat ki laila

chaman mein baj raha tha satwat-e-rafta ka ek tara

munaqqash thin faza mein ja-ba-ja anwar ki shaklen

mujhe paigham jalwa de rahi thin surmagin aankhen

falak par lukka-e-abr-e-subuk-raftar raqsan tha

bahisht-e-husn tha duniya ki barnai ka har zarra

abhi chheDa na tha dil ne mere afsana-e-mazi

man ankhon ke aage khinch gai taswir 'jauhar' ki

salam aise mujahid nek-sirat pak-tinat par

jo apni jaan tak qurban kar de mulk-o-millat par