maut

vo tabassum kī saḌak par

thāme jis kī uñgliyāñ

mahv-e-safar thā kal talak

raushan mohabbat kī isī pahchān ko

dargor kar dene se pahle

ġham sameTe

narm kāñdhe par

kisī lab-rez bādal kī tarah

rone lagā thā phuuT kar

be-chārgī āshuftagī darmāndagī

se vāsta thā har taraf us ko

magar ye silsila

kab tak kahāñ tak

tāza-dam rahtā

ma.an ehsās jaagā zehn meñ us ke

ki us se āsmāñ kahne lagā hai

''jab maza chakhnā sabhī ko

maut kā hai

ek din lāzim

to kaisā ġham

nahīñ kuchh bhī tire bas meñ

kamar kas le

vafā karne ko sab rasmeñ!''

wo tabassum ki saDak par

thame jis ki ungliyan

mahw-e-safar tha kal talak

raushan mohabbat ki isi pahchan ko

dargor kar dene se pahle

gham sameTe

narm kandhe par

kisi lab-rez baadal ki tarah

rone laga tha phuT kar

be-chaargi aashuftagi darmandagi

se wasta tha har taraf us ko

magar ye silsila

kab tak kahan tak

taza-dam rahta

man ehsas jaga zehn mein us ke

ki us se aasman kahne laga hai

jab maza chakhna sabhi ko

maut ka hai

ek din lazim

to kaisa gham

nahin kuchh bhi tere bas mein

kamar kas le

wafa karne ko sab rasmen!