mayurka

Ahmad Faraz

mayurka

Ahmad Faraz

MORE BY Ahmad Faraz

    INTERESTING FACT

    A beautiful Spanish Island

    mayurka ke sāhiloñ pe kis qadar gulāb the

    ki ḳhushbueñ thī be-tarah ki rañg be-hisāb the

    tunuk-libāsiyāñ shanāvaroñ thiiñ qayāmateñ

    tamām sīm-tan sharīk-e-jashn-e-shahr-e-āb the

    shuā-e-mahr ziyā se the jigar jigar badan

    qamar-jamāl jin ke aks-e-raushnī ke baab the

    khulī fazā dhuup vo ki jism sāñvle kare

    butān-e-āzarī ki mast-e-ġhusl-e-āftāb the

    yahīñ pata chalā ki ziist husn hai bahār hai

    yahīñ ḳhabar huī ki zindagī ke dukh sarāb the

    yahīñ lagā ki gardishoñ ke zāviye badal ga.e

    na roz o shab talḳhiyāñ na vaqt ke azaab the

    mire tamām dost ajnabī rafāqatoñ meñ gum

    mirī nazar meñ tere ḳhadd-o-ḳhāl tere ḳhvāb the

    maiñ dūriyoñ ke bāvajūd tere aas paas thā

    mayurka ke sāhiloñ pe maiñ bahut udaas thā

    mayurka ke sahilon pe kis qadar gulab the

    ki KHushbuen thi be-tarah ki rang be-hisab the

    tunuk-libasiyan shanawaron ki thin qayamaten

    tamam sim-tan sharik-e-jashn-e-shahr-e-ab the

    shua-e-mahr ki ziya se the jigar jigar badan

    qamar-jamal jin ke aks-e-raushni ke bab the

    khuli faza ki dhup wo ki jism sanwle kare

    butan-e-azari ki mast-e-ghusl-e-aftab the

    yahin pata chala ki zist husn hai bahaar hai

    yahin KHabar hui ki zindagi ke dukh sarab the

    yahin laga ki gardishon ke zawiye badal gae

    na roz o shab ki talKHiyan na waqt ke azab the

    mere tamam dost ajnabi rafaqaton mein gum

    meri nazar mein tere KHadd-o-KHal tere KHwab the

    main duriyon ke bawajud tere aas pas tha

    mayurka ke sahilon pe main bahut udas tha

    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY