aaj ik aur baras biit gayā us ke baġhair

jis ke hote hue hote the zamāne mere

CANCEL DOWNLOAD SHER

mazdur

MORE BYSeemab Akbarabadi

    gard chehre par pasīne meñ jabīñ Duubī huī

    āñsuoñ meñ kuhniyoñ tak āstīñ Duubī huī

    piiTh par nāqābil-e-bardāsht ik bār-e-garāñ

    zo.af se larzī huī saare badan jhurriyāñ

    haDDiyoñ meñ tez chalne se chaTaḳhne sadā

    dard meñ Duubī huī majrūh Taḳhne sadā

    paañv miTTī tahoñ meñ mel se chikTe hue

    ek badbū-dār mailā chīthaḌā bāñdhe hue

    rahā hai jānvar tarah ghabrātā huā

    hāñptā girtā laraztā Thokareñ khātā huā

    muzmahil vāmāñdgī se aur fāqoñ se niDhāl

    chaar paise tavaqqo.a saare kumbe ḳhayāl

    apne ham-jinsoñ be-mehrī se māyūs-o-malūl

    safha-e-hastī par ik satr-e-ġhalat harf-e-fuzūl

    apnī ḳhilqat ko gunāhoñ sazā samjhe hue

    aadmī hone ko la.anat aur balā samjhe hue

    zindagī ko nāgavār ik sāneha jaane hue

    bazm-e-kibr-o-nāz meñ farz apnā pahchāne hue

    rāste meñ rāhgīroñ nazar se be-niyāz

    shorish-e-mātam se naġhmoñ ke asar se be-niyāz

    us ke dil tak zindagī raushnī jaatī nahīñ

    bhuul kar bhī us ke hoñToñ par hañsī aatī nahīñ

    ek lamha bhī nahīñ fikr-e-ma.īshat se najāt

    sub.h ho shaam hai tārīk us kā.enāt

    dekh ai qārūn-e-āzam dekh ai sarmāya-dār

    nā-murādī muraqqa.a be-kasī shāhkār

    go hai terī tarah insāñ magar maqhūr hai

    dekh ai daulat ke andhe saañp ye mazdūr hai

    gard chehre par pasine mein jabin Dubi hui

    aansuon mein kuhniyon tak aastin Dubi hui

    piTh par naqabil-e-bardasht ek bar-e-garan

    zoaf se larzi hui sare badan ki jhurriyan

    haDDiyon mein tez chalne se chaTaKHne ki sada

    dard mein Dubi hui majruh TaKHne ki sada

    panw miTTi ki tahon mein mel se chikTe hue

    ek badbu-dar maila chithaDa bandhe hue

    ja raha hai jaanwar ki tarah ghabraata hua

    hanpta girta larazta Thokaren khata hua

    muzmahil wamandgi se aur faqon se niDhaal

    chaar paise ki tawaqqoa sare kumbe ka KHayal

    apne ham-jinson ki be-mehri se mayus-o-malul

    safha-e-hasti par ek satr-e-ghalat harf-e-fuzul

    apni KHilqat ko gunahon ki saza samjhe hue

    aadmi hone ko lanat aur bala samjhe hue

    zindagi ko nagawar ek saneha jaane hue

    bazm-e-kibr-o-naz mein farz apna pahchane hue

    raste mein rahgiron ki nazar se be-niyaz

    shorish-e-matam se naghmon ke asar se be-niyaz

    us ke dil tak zindagi ki raushni jati nahin

    bhul kar bhi us ke honTon par hansi aati nahin

    ek lamha bhi nahin fikr-e-maishat se najat

    subh ho ya sham hai tarik us ki kaenat

    dekh ai qarun-e-azam dekh ai sarmaya-dar

    na-muradi ka muraqqa be-kasi ka shahkar

    go hai teri hi tarah insan magar maqhur hai

    dekh ai daulat ke andhe sanp ye mazdur hai

    Tagged Under

    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY

    Jashn-e-Rekhta | 8-9-10 December 2023 - Major Dhyan Chand National Stadium, Near India Gate - New Delhi

    GET YOUR PASS
    Speak Now