mazdur ki aawaz

mazdūr kā qissa kyā itnā hī fasāna hai

lafzoñ meñ faqat is kā hamdard zamāna hai

daulat ke numā.inde ḳhud-sāḳhta leader haiñ

hindū ko musalmāñ se kaam in kā laḌānā hai

bahrūp badalte haiñ har roz nirāle vo

har haal meñ in ko bas ḳhair apnī manānā hai

in se koī pūchhe to leader haiñ ki dictator

manzil hai kahāñ in kī kis raah se jaanā hai

hai daulat-o-sarvat kā kuchh nashsha jise sun le

sar aaj ġharīboñ ko naḳhvat kā jhukānā hai

hushiyār ġharīboñ ke badle hue tevar haiñ

maane ki na maane tū ik baar jatānā hai

faulād ke panje se mumkin hai rihā.ī kyā

kyā nām-o-nishāñ apnā ḳhud tujh ko miTānā hai

ye ThāTh tire ġhāfil sab jis kī badaulat haiñ

kuchh is ke liye tujh ko taklīf uThānā hai

mazdūr kī azmat se inkār na kar ġhāfil

mazdūr kī Thokar meñ duniyā kā ḳhazāna hai

ham ye bhī samajhte haiñ aur ḳhuub samajhte haiñ

dukh-dard miTāne ko taklīf uThānā hai

'nazmī' ye 'jigar' kā bhī kyā ḳhuub hī misrā hai

ham ḳhāk-nashīnoñ kī Thokar meñ zamāna hai

mazdur ka qissa kya itna hi fasana hai

lafzon mein faqat is ka hamdard zamana hai

daulat ke numainde KHud-saKHta leader hain

hindu ko musalman se kaam in ka laDana hai

bahrup badalte hain har roz nirale wo

har haal mein in ko bas KHair apni manana hai

in se koi puchhe to leader hain ki dictator

manzil hai kahan in ki kis rah se jaana hai

hai daulat-o-sarwat ka kuchh nashsha jise sun le

sar aaj gharibon ko naKHwat ka jhukana hai

hushiyar gharibon ke badle hue tewar hain

mane ki na mane tu ek bar jatana hai

faulad ke panje se mumkin hai rihai kya

kya nam-o-nishan apna KHud tujh ko miTana hai

ye ThaTh tere ghafil sab jis ki badaulat hain

kuchh is ke liye tujh ko taklif uThana hai

mazdur ki azmat se inkar na kar ghafil

mazdur ki Thokar mein duniya ka KHazana hai

hum ye bhi samajhte hain aur KHub samajhte hain

dukh-dard miTane ko taklif uThana hai

'nazmi' ye 'jigar' ka bhi kya KHub hi misra hai

hum KHak-nashinon ki Thokar mein zamana hai