dur kinara

Meeraji

dur kinara

Meeraji

MORE BYMeeraji

    phailī dhartī ke siine pe jañgal bhī haiñ lahlahāte hue

    aur dariyā bhī haiñ duur jaate hue

    aur parbat bhī haiñ apnī chup meñ magan

    aur sāgar bhī haiñ josh khāte hue

    un pe chhāyā huā niilā ākāsh hai

    niile ākāsh meñ nuur laate hue din ko sūraj bhī hai

    shaam jaane pe hai chāñd se sāmnā

    raat aane pe nanhe sitāre bhī haiñ jhilmilāte hue

    aur kuchh bhī nahīñ

    ab tak aa.ī na ā.inda to aa.egī bas yahī baat hai

    aur kuchh bhī nahīñ

    ek ek maiñ duur duur haiñ

    aaj tak duur duur har baat hotī rahī

    duur duur jīvan guzar jā.egā

    lahr se lahr Takrā.e kaise kaho

    aur sāhil se chhū jaa.e kaise kaho

    lahr ko lahr se duur kartī huī beach meñ saiñkaḌoñ aur lahreñ bhī haiñ

    aur kuchh bhī nahīñ

    chhā.ī mastī jo dil par mire bhuul

    ek baat rah rah ke kahtā hai

    ek dhyān ke dard meñ dil ko lazzat milī

    aarzū kalī kab khilī

    ek mauj par maiñ to bahtā rahā

    ab tak aa.ī na ā.inda aa.egī

    chāhe dhartī ke siine pe jañgal na huuñ

    chāhe parbat na hoñ chāhe dariyā na hoñ chāhe sāgar na hoñ

    niile ākāsh meñ chāñd-tāre na hoñ koī sūraj na ho

    rāt-din hoñ na duniyā meñ shām-o-sahar

    koī parvā nahīñ

    ek dhyān hai

    duur duur jīvan guzar jā.egā aur kuchh bhī nahīñ

    phaili dharti ke sine pe jangal bhi hain lahlahate hue

    aur dariya bhi hain dur jate hue

    aur parbat bhi hain apni chup mein magan

    aur sagar bhi hain josh khate hue

    un pe chhaya hua nila aakash hai

    nile aakash mein nur late hue din ko suraj bhi hai

    sham jaane pe hai chand se samna

    raat aane pe nanhe sitare bhi hain jhilmilate hue

    aur kuchh bhi nahin

    ab tak aai na aainda to aaegi bas yahi baat hai

    aur kuchh bhi nahin

    ek tu ek main dur hi dur hain

    aaj tak dur hi dur har baat hoti rahi

    dur hi dur jiwan guzar jaega

    lahr se lahr Takrae kaise kaho

    aur sahil se chhu jae kaise kaho

    lahr ko lahr se dur karti hui beach mein sainkaDon aur lahren bhi hain

    aur kuchh bhi nahin

    chhai masti jo dil par mere bhul ki

    ek hi baat rah rah ke kahta hai

    ek hi dhyan ke dard mein dil ko lazzat mili

    aarzu ki kali kab khili

    ek hi mauj par main to bahta raha

    ab tak aai na aainda tu aaegi

    chahe dharti ke sine pe jangal na hun

    chahe parbat na hon chahe dariya na hon chahe sagar na hon

    nile aakash mein chand-tare na hon koi suraj na ho

    raat-din hon na duniya mein sham-o-sahar

    koi parwa nahin

    ek hi dhyan hai

    dur hi dur jiwan guzar jaega aur kuchh bhi nahin

    Source :
    • Book : Muntakhab Shahkar Nazmon Ka Album) (Pg. 25)
    • Author : Munavvar Jameel
    • Publication : Haji Haneef Printer Lahore (2000)
    • Edition : 2000

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY