mahrumi

Meeraji

mahrumi

Meeraji

MORE BYMeeraji

    maiñ kahtā huuñ tum se agar shaam ko bhuul kar bhī kisī ne kabhī koī dhundlā sitāra na dekhā

    to is par ta.ajjub nahīñ hai na hogā

    azal se isī Dhab pāband hai shaam zāhirā be-zarar shoḳh nāgin

    ubharte hue aur lachakte hue aur machalte hue kahtī jaatī hai aao mujhe dekho maiñ ne

    tumhāre liye ek rañgīn mahfil jamā.ī huī hai

    anokhā aivān hai har taraf jis meñ parde gire haiñ vahāñ jo bhī ho us ko

    koī nahīñ dekh saktā

    taheñ is ke pardoñ aise lachaktī chalī jaatī haiñ jaise phailī huī sat.h-e-dariyā ne

    uTh kar dhundalke mānind pinhāñ kiyā ho fazā ko nazar se

    zarā dekho chhat par laTakte haiñ fānūs apnī har ik nīm-raushan kiran se sujhāte

    haiñ ik bhed baat giit jis meñ masahrī ke āġhosh larzisheñ hoñ

    sutūnoñ ke pīchhe se āhista āhista ruktā huā aur jhijaktā huā chor saaya yahī kah rahā

    hai vo aa.e vo aa.e

    abhī ek pal meñ achānak yūñhī jagmagāne lagegā ye aivān yaksar

    har ik chiiz kaise qarīne se rakhī huī hai

    maiñ kahtī huuñ maano chalo aao mahfil sajī hai

    tum aao to guuñj uTThe shahnā.ī dālān meñ aane jaane aahaT se hañgāma paidā

    ho lekin masahrī ke āġhosh larzishoñ meñ tumheñ is ehsās

    bhī hone paa.e to zimma hai merā

    azal se is Dhab pāband hai mauj-e-betāb us ko ḳhabar bhī na hogī ki ik shāḳh-e-nāzuk

    ne bebāk jhoñke se Takrā ke aaheñ bharī thiiñ

    magar maiñ ye kahtā huuñ tum se agar shaad ko bhuul kar bhī kisī ne kabhī koī dhundlā sitāra

    na dekhā to us par ta.ajjub nahīñ hai

    azal se isī Dhab pāband hai shaam shoḳh nāgin

    ye Dastī hai Daste hue kahtī jaatī hai

    jaao agar tum jhijakte rahoge to

    har lamha yaksāñ ravish se guzar jā.egā aur tum dekhte rahoge akele akele

    tumheñ daa.eñ baa.eñ tumheñ sāmne kuchh dikhā.ī na degā faqat sard dīvāreñ hañstī raheñgī

    magar un hañsnā bhī āhista āhista biite zamāne mānind ik duur baat ma.alūm hone lagegā

    dhundalke meñ Duubī huī aañkh dekhegī rauzan se duur ik sitāra nazar aa rahā hai

    magar chhat pe fānūs koī jhūlā na hogā

    shikasta fatāda sutūnoñ mānind farsh-e-hazīñ par tumhārā vo saaya taḌaptā rahegā jise

    ye tamannā thī kah duuñ tamannā kyā thī

    bas ab apnī ġhamnāk bātoñ ko apne ubharte hue aur badalte hue rañg meñ chhupā le

    maiñ ab māntā huuñ ki ne ravānī meñ apnī bahut duur rauzan se dhuñdle

    sitāre bhī dekhe haiñ lākhoñ

    maiñ ab māntā huuñ mirī aañkh meñ ek aañsū jhalaktā chalā rahā hai Tapaktā nahīñ hai

    maiñ ab māntā huuñ mujhe daa.eñ baa.eñ mujhe sāmne kuchh dikhā.ī nahīñ de rahā hai faqat

    sard dīvāreñ hañstī chalī rahī haiñ

    maiñ ab māntā huuñ ki maiñ ne is aivān ko aaj tak apne ḳhvāboñ meñ dekhā hai lekin

    vahāñ koī bhī chiiz aise qarīne se rakkhī nahīñ hai

    ki jaise batāyā hai ne tirī ek rañgīn mahfil sajī hai

    masahrī ke āġhosh larzishoñ mujhe ḳhvāb bhī ab na aa.egā maiñ apne

    kānoñ se kaise sunūñgā vo shahnā.ī guuñj sindūr

    surḳh naġhma jise sun ke dālān meñ aane jaane aahaT

    se hañgāma ho jaatā hai ek pal ko

    mujhe to faqat sard dīvāreñ hañstī sunā.ī diye rahī haiñ

    main kahta hun tum se agar sham ko bhul kar bhi kisi ne kabhi koi dhundla sitara na dekha

    to is par tajjub nahin hai na hoga

    azal se isi Dhab ki paband hai sham ki zahira be-zarar shoKH nagin

    ubharte hue aur lachakte hue aur machalte hue kahti jati hai aao mujhe dekho main ne

    tumhaare liye ek rangin mahfil jamai hui hai

    anokha sa aiwan hai har taraf jis mein parde gire hain wahan jo bhi ho us ko

    koi nahin dekh sakta

    tahen is ke pardon ki aise lachakti chali jati hain jaise phaili hui sath-e-dariya ne

    uTh kar dhundalke ki manind pinhan kiya ho faza ko nazar se

    zara dekho chhat par laTakte hain fanus apni har ek nim-raushan kiran se sujhate

    hain ek bhed ki baat ka git jis mein masahri ke aaghosh ki larzishen hon

    sutunon ke pichhe se aahista aahista rukta hua aur jhijakta hua chor saya yahi kah raha

    hai wo aae wo aae

    abhi ek pal mein achanak yunhi jagmagane lagega ye aiwan yaksar

    har ek chiz kaise qarine se rakhi hui hai

    main kahti hun mano chalo aao mahfil saji hai

    tum aao to gunj uTThe shahnai dalan mein aane jaane ki aahaT se hangama paida

    ho lekin masahri ke aaghosh ki larzishon mein tumhein is ka ehsas

    bhi hone pae to zimma hai mera

    azal se is Dhab ki paband hai mauj-e-betab us ko KHabar bhi na hogi ki ek shaKH-e-nazuk

    ne bebak jhonke se Takra ke aahen bhari thin

    magar main ye kahta hun tum se agar shad ko bhul kar bhi kisi ne kabhi koi dhundla sitara

    na dekha to us par tajjub nahin hai

    azal se isi Dhab ki paband hai sham ki shoKH nagin

    ye Dasti hai Daste hue kahti jati hai

    jao agar tum jhijakte rahoge to

    har lamha yaksan rawish se guzar jaega aur tum dekhte hi rahoge akele akele

    tumhein daen baen tumhein samne kuchh dikhai na dega faqat sard diwaren hansti rahengi

    magar un ka hansna bhi aahista aahista bite zamane ki manind ek dur ki baat malum hone lagega

    dhundalke mein Dubi hui aankh dekhegi rauzan se dur ek sitara nazar aa raha hai

    magar chhat pe fanus ka koi jhula na hoga

    shikasta fatada sutunon ki manind farsh-e-hazin par tumhaara wo saya taDapta rahega jise

    ye tamanna thi kah dun tamanna kya thi

    bas ab apni ghamnak baaton ko apne ubharte hue aur badalte hue rang mein tu chhupa le

    main ab manta hun ki tu ne rawani mein apni bahut dur rauzan se dhundle

    sitare bhi dekhe hain lakhon

    main ab manta hun meri aankh mein ek aansu jhalakta chala ja raha hai Tapakta nahin hai

    main ab manta hun mujhe daen baen mujhe samne kuchh dikhai nahin de raha hai faqat

    sard diwaren hansti chali ja rahi hain

    main ab manta hun ki main ne is aiwan ko aaj tak apne KHwabon mein dekha hai lekin

    wahan koi bhi chiz aise qarine se rakkhi nahin hai

    ki jaise bataya hai tu ne teri ek rangin mahfil saji hai

    masahri ke aaghosh ki larzishon ka mujhe KHwab bhi ab na aaega main apne

    kanon se kaise sununga wo shahnai ki gunj sindur

    ka surKH naghma jise sun ke dalan mein aane jaane ki aahaT

    se hangama ho jata hai ek pal ko

    mujhe to faqat sard diwaren hansti sunai diye ja rahi hain

    Source :
    • Book : Kulliyat Meeraji (Pg. 129)

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY