mehnati log

enginēr

likh paḌh ke maiñ to ik din

ahl-e-hunar banūñgā

chāhā agar ḳhudā ne

enginēr banūñgā

hogī mire hunar se ta.amīr is vatan kī

jāgegī mere fan se taqdīr is vatan kī

chaltī raheñ mashīneñ san.at tamām chamke

jis tarah sub.h chamke vaise hī shaam chamke

ahl-e-hunar banūñgā

enginēr banūñgā

doctor

jise taklīf meñ pā.ūñ

use ārām pahuñchā.ūñ

jahāñ ġham kā añdherā ho

ḳhushī kī raushnī lā.ūñ

jahāñ aañsū baraste hoñ

hañsī us ghar meñ bikhrā.ūñ

duā hai doctor ban kar

dukhī logoñ ke kaam aa.uuñ

vatan kā sipāhī

vatan kā bahādur sipāhī banūñ

shujā.at kī duniyā kā raahī banūñ

left right left

left right left

vatan meñ jahāñ ho zarūrat mirī

vahīñ kaam aa.e shujā.at mirī

dilerī kā maiñ sab ko paiġhām duuñ

jo mushkil ho vo kaam anjām duuñ

hamesha taraqqī kī rāhoñ meñ ham

chaleñ sāthiyoñ se milā ke qadam

left right left

left right left

teacher

nā chāñdī nā sonā chāhūñ

maiñ to teacher honā chāhūñ

hāsil jo ta.alīm karūñ maiñ

sab meñ use taqsīm karūñ maiñ

nanhe munne bachche aa.eñ

ilm kī daulat lete jaa.eñ

kam na ho ye taqsīm kiye se

jaltā ho jaise diyā diye se

pilot

bulandī pe jā ke safar karne vaalā

havā-bāz ūñchā havā-bāz a.alā

vo runway pe aayā jo Take-off karne

to sūraj ne pahnā.ī kirnoñ kī maalā

passenger haiñ sīToñ pe be-fikr baiThe

uḌaa.e liye jā rahā hai jiyālā

hamārī umañgoñ se kyā kah rahā hai

fazāoñ meñ uḌtā huā ye ujālā

vakīl

insāf kī shaan dikhā.ūñ

insāf kā rañg jamā.ūñ

mazlūm se ho hamdardī

zālim ko sazā dilvā.ūñ

mujrim ke kaale dil meñ

qānūn kī sham.a jalā.ūñ

har baat meñ sab se aage

insāf kī baat baḌhā.ūñ

insāf kī shaan dikhā.ūñ

insāf kā rañg jamā.ūñ

haarī

sochā hai maiñ ne

haarī banūñgā

khetoñ meñ jhūmūñ

gandum ugā ke

dhartī ko chūmūñ

fasleñ sajā ke

saare vatan ko

ḳhush-hāl kar duuñ

ḳhushiyoñ se sab ke

dāman ko bhar duuñ

haarī banūñgā

engineer

likh paDh ke main to ek din

ahl-e-hunar banunga

chaha agar KHuda ne

engineer banunga

hogi mere hunar se tamir is watan ki

jagegi mere fan se taqdir is watan ki

chalti rahen mashinen sanat tamam chamke

jis tarah subh chamke waise hi sham chamke

ahl-e-hunar banunga

engineer banunga

doctor

jise taklif mein paun

use aaram pahunchaun

jahan gham ka andhera ho

KHushi ki raushni laun

jahan aansu baraste hon

hansi us ghar mein bikhraun

dua hai doctor ban kar

dukhi logon ke kaam aaun

watan ka sipahi

watan ka bahadur sipahi banun

shujaat ki duniya ka rahi banun

left right left

left right left

watan mein jahan ho zarurat meri

wahin kaam aae shujaat meri

dileri ka main sab ko paigham dun

jo mushkil ho wo kaam anjam dun

hamesha taraqqi ki rahon mein hum

chalen sathiyon se mila ke qadam

left right left

left right left

teacher

na chandi na sona chahun

main to teacher hona chahun

hasil jo talim karun main

sab mein use taqsim karun main

nanhe munne bachche aaen

ilm ki daulat lete jaen

kam na ho ye taqsim kiye se

jalta ho jaise diya diye se

pilot

bulandi pe ja ke safar karne wala

hawa-baz uncha hawa-baz aala

wo runway pe aaya jo Take-off karne

to suraj ne pahnai kirnon ki mala

passenger hain siTon pe be-fikr baiThe

uDae liye ja raha hai jiyala

hamari umangon se kya kah raha hai

fazaon mein uDta hua ye ujala

wakil

insaf ki shan dikhaun

insaf ka rang jamaun

mazlum se ho hamdardi

zalim ko saza dilwaun

mujrim ke kale dil mein

qanun ki shama jalaun

har baat mein sab se aage

insaf ki baat baDhaun

insaf ki shan dikhaun

insaf ka rang jamaun

haari

socha hai main ne

haari banunga

kheton mein jhumun

gandum uga ke

dharti ko chumun

faslen saja ke

sare watan ko

KHush-haal kar dun

KHushiyon se sab ke

daman ko bhar dun

haari banunga