mera ghussa kahan hai?

Zahid Imroz

mera ghussa kahan hai?

Zahid Imroz

MORE BYZahid Imroz

    maiñ āsmān ke saath phailī shaam nāranjī raushnī huuñ

    sūraj aañkh meñ reñgtī surḳh dhār?

    kyā hai merā vajūd?

    yaum-e-īd qurbān hotī bheḌoñ sabr

    hīroñ ke ta.āqub meñ ko.elā ko.elā phirtī ḳhvāhish?

    maiñ sarmā meñ abābīloñ murjhā.ī ruuh huuñ

    sarmast daraḳhtoñ choTiyoñ meñ mad.hosh havā?

    haañ...... maiñ raat jhilmilātī raushniyoñ ke pīchhe

    uljhī ālūda shikan huuñ

    bachcha jantī maañ āḳhirī chīḳh merī mohabbat hai

    maiñ rāh-gīroñ lā-parvāh ḳhushī meñ

    sahmā ḳhauf huuñ

    maiñ gautam ke muskurāte ruḳhsāroñ lams huuñ

    sātveñ āsmān par ġhota-zan parinde

    agar merī pur-sukūn ruuh meñ parvāz karte haiñ

    to phir ye kaisā bojh hai

    jo tumhāre chhoḌ jaane ke ba.ad

    is ġhubār-ālūd siine meñ jamne lagā hai?

    lekin merā ġhussa kis sher ke badan meñ jharjharātā hai?

    merī aag kis uqaab āñkhoñ meñ kapkapātī hai?

    jise tumhārī hañsī tumhāre makkār dil

    aur tumhārī dhoke-bāz naaf meñ uñDel sakūñ!

    main aasman ke sath phaili sham ki naranji raushni hun

    ya suraj ki aankh mein rengti surKH dhaar?

    kya hai mera wajud?

    yaum-e-id qurban hoti bheDon ka sabr

    ya hiron ke taaqub mein koela koela phirti KHwahish?

    main sarma mein ababilon ki murjhai ruh hun

    ya sarmast daraKHton ki choTiyon mein madhosh hawa?

    han main raat ki jhilmilati raushniyon ke pichhe

    uljhi aaluda shikan hun

    bachcha janti man ki aaKHiri chiKH meri mohabbat hai

    main rah-giron ki la-parwah KHushi mein

    sahma KHauf hun

    main gautam ke muskuraate ruKHsaron ka lams hun

    satwen aasman par ghota-zan parinde

    agar meri pur-sukun ruh mein parwaz karte hain

    to phir ye kaisa bojh hai

    jo tumhaare chhoD jaane ke baad

    is ghubar-alud sine mein jamne laga hai?

    lekin mera ghussa kis sher ke badan mein jharjharaata hai?

    meri aag kis uqab ki aankhon mein kapkapati hai?

    jise tumhaari hansi tumhaare makkar dil

    aur tumhaari dhoke-baz naf mein unDel sakun!

    Source:

    • Book : Quarterly TASTEER Lahore (Pg. 561)
    • Author : Naseer Ahmed Nasir
    • Publication : H.No.-21, Street No. 2, Phase II, Bahriya Town, Rawalpindi (Volume:15, Issue No. 1, 2, Jan To June.2011)
    • Edition : Volume:15, Issue No. 1, 2, Jan To June.2011
    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY