mera koi dost nahin

Zahid Imroz

mera koi dost nahin

Zahid Imroz

MORE BYZahid Imroz

    chīḳheñ mujhe kabhī rihā nahīñ kartīñ

    mujhe mālūm hai

    har manzar meñ ek chīḳh chhupī hai

    maiñ jahāñ bhī jaatā huuñ

    koī na koī chīḳh mujhe pahchān letī hai

    maiñ apnī ḳhāmoshī muḳhālif samt

    ḳhauf-zada ho kar bhāgne lagtā huuñ

    isī bokhalāhaT meñ chīḳhoñ ke ka.ī jhunD

    mujhe bhiḌoñ tarah gher lete haiñ

    bhāgte hue maiñ qabristān meñ pahuñch jaatā huuñ

    jahāñ har qabr meñ ek chīḳh dafn hai

    mujhe dekh kar

    chīḳheñ mere gird havā meñ tairne lagī haiñ

    aur mujh se chīḳh ban jaane mutālba kartī haiñ

    baqā jañg laḌte hue

    ab mere haath bāzuoñ se girne vaale haiñ

    aur hārne ke liye merā koī dost nahīñ

    maiñ mahsūs kar rahā huuñ

    merā chīḳhoñ se bañdhā huā jism

    jab gūñjne ke qarīb hogā

    maiñ kisī ḳhushk dariyā ke kināre

    surḳh rañg meñ luthḌī chīḳh banā lūñgā

    aur miTTī merī qabr banāne meñ masrūf hogī

    chiKHen mujhe kabhi riha nahin kartin

    mujhe malum hai

    har manzar mein ek chiKH chhupi hai

    main jahan bhi jata hun

    koi na koi chiKH mujhe pahchan leti hai

    main apni KHamoshi ki muKHalif samt

    KHauf-zada ho kar bhagne lagta hun

    isi bokhalahaT mein chiKHon ke kai jhunD

    mujhe bhiDon ki tarah gher lete hain

    bhagte hue main qabristan mein pahunch jata hun

    jahan har qabr mein ek chiKH dafn hai

    mujhe dekh kar

    chiKHen mere gird hawa mein tairne lagi hain

    aur mujh se chiKH ban jaane ka mutalba karti hain

    baqa ki jang laDte hue

    ab mere hath bazuon se girne wale hain

    aur haarne ke liye mera koi dost nahin

    main mahsus kar raha hun

    mera chiKHon se bandha hua jism

    jab gunjne ke qarib hoga

    main kisi KHushk dariya ke kinare

    surKH rang mein luthDi chiKH bana lunga

    aur miTTi meri qabr banane mein masruf hogi

    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY