mera saqi

Urooj Qadri

mera saqi

Urooj Qadri

MORE BYUrooj Qadri

    kabhī jo ruuh pe hotī hai be-hisī taarī

    dimāġh kaif se hotā hai yak-qalam aarī

    pukārtā hai jahān-e-fareb-kār mujhe

    saman-kada nazar aatā hai ḳhārzār mujhe

    maiñ phuul chhoḌ ke kāñTe pasand kartā huuñ

    ḳhazaf uThā ke tijorī meñ band kartā huuñ

    buland-bāl jo hotā nahīñ hai murġh-e-ḳhayāl

    qavā-e-fikr pe chhātā hai mere izmehlāl

    kabhī jo chehra-e-ummīd zard hotā hai

    kabhī jo shola mire dil zard hotā hai

    ḳhudī o ḳhud-nigarī mujh pe chhā.ī jaatī hai

    durusht-ḳhūī mire dil meñ raah paatī hai

    mizāj-e-ishq meñ hotī hai jab namī paidā

    dil o dimāġh meñ hotī hai barhamī paidā

    to merā saaqī mujhe hañs ke narm kartā hai

    nazar milā ke mire dil ko garm kartā hai

    kabhi jo ruh pe hoti hai be-hisi tari

    dimagh kaif se hota hai yak-qalam aari

    pukarta hai jahan-e-fareb-kar mujhe

    saman-kada nazar aata hai KHarzar mujhe

    main phul chhoD ke kanTe pasand karta hun

    KHazaf uTha ke tijori mein band karta hun

    buland-baal jo hota nahin hai murgh-e-KHayal

    qawa-e-fikr pe chhata hai mere izmehlal

    kabhi jo chehra-e-ummid zard hota hai

    kabhi jo shola mere dil ka zard hota hai

    KHudi o KHud-nigari mujh pe chhai jati hai

    durusht-KHui mere dil mein rah pati hai

    mizaj-e-ishq mein hoti hai jab nami paida

    dil o dimagh mein hoti hai barhami paida

    to mera saqi mujhe hans ke narm karta hai

    nazar mila ke mere dil ko garm karta hai

    RECITATIONS

    Nomaan Shauque

    Nomaan Shauque

    Nomaan Shauque

    mera saqi Nomaan Shauque

    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY