mere dushman ki maut

teġh lahū meñ Duubī thī aur peḌ ḳhushī se jhūmā thā

bād-e-bahārī chalī jhuum ke jab us ne mujh ko dekhā thā

ghāyal nazreñ us dushman kī aise mujh ko taktī thiiñ

jaise anhonī koī dekhī un kamzor nigāhoñ ne

ye insāf to ba.ad meñ hogā kyā sachchā kyā jhūTā hai

kaun yaqīn se kah saktā hai kaun burā kaun achchhā hai

lekin phir bhī ek baar to merā dil bhī kāñpā thā

kaash ye sab kuchh kabhī na hotā maiñ ne dukh se sochā thā

ghāyal nazreñ us dushman kī gahrī soch meñ khoī thiiñ

jaise anhonī koī dekhī un kamzor nigāhoñ ne

kaun huuñ maiñ aur kaun thā vo jis par honī ne vaar kiyā

kaun thā vo jis shaḳhs ko maiñ ne bharī bahār meñ maar diyā

tegh lahu mein Dubi thi aur peD KHushi se jhuma tha

baad-e-bahaari chali jhum ke jab us ne mujh ko dekha tha

ghayal nazren us dushman ki aise mujh ko takti thin

jaise anhoni koi dekhi un kamzor nigahon ne

ye insaf to baad mein hoga kya sachcha kya jhuTa hai

kaun yaqin se kah sakta hai kaun bura kaun achchha hai

lekin phir bhi ek bar to mera dil bhi kanpa tha

kash ye sab kuchh kabhi na hota main ne dukh se socha tha

ghayal nazren us dushman ki gahri soch mein khoi thin

jaise anhoni koi dekhi un kamzor nigahon ne

kaun hun main aur kaun tha wo jis par honi ne war kiya

kaun tha wo jis shaKHs ko main ne bhari bahaar mein mar diya