mere liye kya hai kuchh bhi nahin

Nushur Wahidi

mere liye kya hai kuchh bhi nahin

Nushur Wahidi

MORE BY Nushur Wahidi

    ye gaañv manzar sannāTā aur shaam dhundlī tārīkī

    ik shaam bahut rañgīn magar muflis nigāhoñ meñ phīkī

    dhartī pe ye paanī sone ākāsh pe nahreñ chāñdī

    ye chāñd ye taare ye dariyā mere liye kyā hai kuchh bhī nahīñ

    ye shahr chaltī saḌkoñ par har samt dukāneñ nūrānī

    bijlī meñ bhī jaltā ho jaise iflās ke patte paanī

    chīzoñ girānī meñ shāmil ġhurbat ke lahū arzānī

    ye saaz ye sāmān-e-ishrat mere liye kyā hai kuchh bhī nahīñ

    rātoñ ke añdhere meñ jagmag jagmag ye fazā mai-ḳhvānoñ

    mezoñ pe nazāre mastī ke bahkī huī lai dīvānoñ

    botal navā-e-kulkul meñ halkī ḳhunuk paimānoñ

    ye shīsha ye saaqī ye sahbā mere liye kyā hai kuchh bhī nahīñ

    saḌkoñ pe hasīnoñ tāñtā jaadū parā chaltā phirtā

    saaḌī lapeTūñ se jin chhilke hai javānī sahbā

    mastī ke qadam sambhle sambhle āñchal sirā Dhalkā Dhalkā

    ye husn-o-javānī rañg-o-adā mere liye kyā hai kuchh bhī nahīñ

    āñkhoñ pe mirī ehsās hai kyā sabzoñ pe agar hai barnā.ī

    kyuuñ pūchhne jā.ūñ kyārī meñ phūloñ mizāj-e-ra.anā.ī

    kyā kaam hai mujh ko gulshan se kaliyāñ ho khilī murjhā.ī

    ye phuul ye shabnam sher-o-fazā mere liye kyā hai kuchh bhī nahīñ

    collage ye ta.amīr-e-ḳhandāñ mamnūn ġhamoñ laam nahīñ

    is meñ kisī muflis ke ghar ke ġhamgīn pisar naam nahīñ

    sāmān-e-tijārat hai ye bhī sāmān-e-mafād-e-ām nahīñ

    ye ilm ye hikmat hosh-rubā mere liye kyā hai kuchh bhī nahīñ

    be-jān ho jab naqsh-e-hastī tasvīr-e-tamannā kyā bole

    tārāj ke ḳhūnī panje meñ tahzīb miinā kyā bole

    chīloñ ke najāsat khāne meñ bechāra papīhā kyā bole

    ye naġhma ye sher-o-sāz-o-navā mere liye kyā hai kuchh bhī nahīñ

    ye ganw ka manzar sannaTa aur sham ki dhundli tariki

    ek sham bahut rangin magar muflis ki nigahon mein phiki

    dharti pe ye pani sone ka aakash pe nahren chandi ki

    ye chand ye tare ye dariya mere liye kya hai kuchh bhi nahin

    ye shahr ki chalti saDkon par har samt dukanen nurani

    bijli mein bhi jalta ho jaise iflas ke patte ka pani

    chizon ki girani mein shamil ghurbat ke lahu ki arzani

    ye saz ye saman-e-ishrat mere liye kya hai kuchh bhi nahin

    raaton ke andhere mein jagmag jagmag ye faza mai-KHwanon ki

    mezon pe nazare masti ke bahki hui lai diwanon ki

    botal ki nawa-e-kulkul mein halki si KHunuk paimanon ki

    ye shisha ye saqi ye sahba mere liye kya hai kuchh bhi nahin

    saDkon pe hasinon ka tanta jadu ka para chalta phirta

    saDi ki lapeTun se jin ki chhilke hai jawani ki sahba

    masti ke qadam sambhle sambhle aanchal ka sira Dhalka Dhalka

    ye husn-o-jawani rang-o-ada mere liye kya hai kuchh bhi nahin

    aankhon pe meri ehsas hai kya sabzon pe agar hai barnai

    kyun puchhne jaun kyari mein phulon ka mizaj-e-ranai

    kya kaam hai mujh ko gulshan se kaliyan ho khili ya murjhai

    ye phul ye shabnam sher-o-faza mere liye kya hai kuchh bhi nahin

    collage ki ye tamir-e-KHandan mamnun ghamon lam nahin

    is mein kisi muflis ke ghar ke ghamgin pisar ka nam nahin

    saman-e-tijarat hai ye bhi saman-e-mafad-e-am nahin

    ye ilm ye hikmat hosh-ruba mere liye kya hai kuchh bhi nahin

    be-jaan ho jab naqsh-e-hasti taswir-e-tamanna kya bole

    taraj ke KHuni panje mein tahzib ki mina kya bole

    chilon ke najasat khane mein bechaara papiha kya bole

    ye naghma ye sher-o-saz-o-nawa mere liye kya hai kuchh bhi nahin

    Source:

    • Book: Nushoor Wahedi Veyaktitiva Chhaya Aur Shayri (Pg. 127)
    • Author: Niaz Wahedi
    • Publication: Niaz wahedi (2003)
    • Edition: 2003
    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY