meri maut ke masiha!

Ejaaz Ahamd Ejaaz

meri maut ke masiha!

Ejaaz Ahamd Ejaaz

MORE BYEjaaz Ahamd Ejaaz

    merī maut ke masīhā!

    tiin barr-e-āzmoñ pe tum ne merā pīchhā kiyā hai

    mausam badalte rahe taqdīr tarah

    maiñ shahr shahr phirā dhuup tarah

    maiñ ne ḳhāmoshiyāñ lafzoñ ke supurd kiiñ

    zabān ke lafz badle

    magar tum ik tārīk surañg tarah saaya saaya

    mere shu.ūr meñ utarte chale ga.e ho

    mere zehn mere jism mere qalb ke ma.akūs ruḳh!

    merī tahrīroñ ke āseb!

    tum merī tanhā.ī ho mere vajūd intihā aur shikast

    chāhe hue badan tumhārī āġhosh meñ raakh ho ga.e haiñ

    abadī ḳhāmosh harīf!

    tum kā.enāt ke tamām nuur ke saath shatranj khelte rahe ho

    maiñ nai tumhārī quvvatoñ hama-gīr gunjalak bisāt pe

    ḳhāna-ba-ḳhāna...

    ishq aur lafzoñ salībeñ bichhā.īñ:

    tum havāoñ misāl mere ās-pās baraste rahe

    tum har shaam phūloñ pe yalġhār karte pāniyoñ pe chalte rahe ho

    ye jānte hue bhī ki mere lafz

    ret ke chehre pe khiñche hue be-sabāt naqsh haiñ

    maiñ ne har ibtidā har intihā isbāt kiyā hai

    fāsloñ tarah tum sab kuchh nikalte chale ga.e ho

    hamārā jhagḌā tā-umr jaarī rahegā

    mere sāñsoñ ke sāthī aur dushman:

    mere ham-shakl:

    muqaddar band kitāb:

    maiñ ne tumhāre raaz jānñe chāhe

    calendar tārīḳhoñ meñ tumheñ paḌhnā chāhā

    palkoñ ke darmiyān tumhāre libās ke nā-mālūm taar bichhā.e

    yaad rakho!

    har raushnī ne tumheñ apne faanī sho.aloñ meñ lapeTnā chāhā

    magar vaqt kalīd!

    tum ne kunjiyoñ guchchā na jaane kis miTTī meñ dafn kar diyā hai

    tum jhūTe lafzoñ tarah

    merī uñgliyoñ meñ se phisalte chale ga.e ho

    meri maut ke masiha!

    tin barr-e-azmon pe tum ne mera pichha kiya hai

    mausam badalte rahe taqdir ki tarah

    main shahr shahr phira dhup ki tarah

    main ne KHamoshiyan lafzon ke supurd kin

    zaban ke lafz badle

    magar tum ek tarik surang ki tarah saya saya

    mere shuur mein utarte chale gae ho

    mere zehn mere jism mere qalb ke makus ruKH!

    meri tahriron ke aaseb!

    tum meri tanhai ho mere wajud ki intiha aur shikast

    chahe hue badan tumhaari aaghosh mein rakh ho gae hain

    abadi KHamosh harif!

    tum kaenat ke tamam nur ke sath shatranj khelte rahe ho

    main nai tumhaari quwwaton ki hama-gir gunjalak bisat pe

    KHana-ba-KHana

    ishq aur lafzon ki saliben bichhain:

    tum hawaon ki misal mere aas-pas baraste rahe

    tum har sham phulon pe yalghaar karte paniyon pe chalte rahe ho

    ye jaante hue bhi ki mere lafz

    ret ke chehre pe khinche hue be-sabaat naqsh hain

    main ne har ibtida har intiha ka isbaat kiya hai

    faslon ki tarah tum sab kuchh nikalte chale gae ho

    hamara jhagDa ta-umr jari rahega

    mere sanson ke sathi aur dushman:

    mere ham-shakl:

    muqaddar ki band kitab:

    main ne tumhaare raaz jaanne chahe

    calendar ki tariKHon mein tumhein paDhna chaha

    palkon ke darmiyan tumhaare libas ke na-malum tar bichhae

    yaad rakho!

    har raushni ne tumhein apne fani shoalon mein lapeTna chaha

    magar waqt ki kalid!

    tum ne kunjiyon ka guchcha na jaane kis miTTi mein dafn kar diya hai

    tum jhuTe lafzon ki tarah

    meri ungliyon mein se phisalte chale gae ho

    Source:

    • Book : saugaat-2-3 (Pg. 127)
    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY