meri saheli
nāzuk sī ek chiḌiyā
pyārī sī ek chiḌiyā
kyā ḳhuub rang is ke
hai choñch bhī nirālī
chhoTe se is ke paañv
aur aañkh bhī kamālī
nāzuk sī ek chiḌiyā
pyārī sī ek chiḌiyā
chuuñ chuuñ jo ye kare to
kānoñ meñ ras ghule hai
bolūñ jo is kī bolī
dil ko sukūñ mile hai
nāzuk sī ek chiḌiyā
pyārī sī ek chiḌiyā
har shāḳh par ye jaa.e
jhūlā bhī jhuul aa.e
bachchoñ se kar ke bāteñ
ghar apnā bhuul jaa.e
nāzuk sī ek chiḌiyā
pyārī sī ek chiḌiyā
ik roz uḌte uḌte
ghar mere aan pahuñchī
dekhā jo ik nazar to
qudrat kī shaan pahuñchī
pyārī sī ek chiḌiyā
nāzuk sī ek chiḌiyā
pūchhā jo is se maiñ ne
kyā naam hai tumhārā
bī muskurā ke bolīñ
kyā kaam hai tumhārā
pyārī sī ek chiḌiyā
nāzuk sī ek chiḌiyā
mirā naam hai rasīlī
qudrat kī huuñ pahelī
nāzuk mizāj sī huuñ
rahtī huuñ par akelī
nāzuk sī ek chiḌiyā
pyārī sī ek chiḌiyā
khātī huuñ thoḌā daana
piitī huuñ thoḌā paanī
qudrat ne jo diyā hai
us rab kī mehrbānī
nāzuk sī ek chiḌiyā
pyārī sī ek chiḌiyā
ab roz milne aa.e
bāteñ ka.ī sunā.e
ġham bhuul apne 'kaukab'
saath is ke muskurā.e
nāzuk sī ek chiḌiyā
pyārī sī ek chiḌiyā
nazuk si ek chiDiya
pyari si ek chiDiya
kya KHub rang is ke
hai chonch bhi nirali
chhoTe se is ke panw
aur aankh bhi kamali
nazuk si ek chiDiya
pyari si ek chiDiya
chun chun jo ye kare to
kanon mein ras ghule hai
bolun jo is ki boli
dil ko sukun mile hai
nazuk si ek chiDiya
pyari si ek chiDiya
har shaKH par ye jae
jhula bhi jhul aae
bachchon se kar ke baaten
ghar apna bhul jae
nazuk si ek chiDiya
pyari si ek chiDiya
ek roz uDte uDte
ghar mere aan pahunchi
dekha jo ek nazar to
qudrat ki shan pahunchi
pyari si ek chiDiya
nazuk si ek chiDiya
puchha jo is se main ne
kya nam hai tumhaara
bi muskura ke bolin
kya kaam hai tumhaara
pyari si ek chiDiya
nazuk si ek chiDiya
mera nam hai rasili
qudrat ki hun paheli
nazuk mizaj si hun
rahti hun par akeli
nazuk si ek chiDiya
pyari si ek chiDiya
khati hun thoDa dana
piti hun thoDa pani
qudrat ne jo diya hai
us rab ki mehrbani
nazuk si ek chiDiya
pyari si ek chiDiya
ab roz milne aae
baaten kai sunae
gham bhul apne 'kaukab'
sath is ke muskurae
nazuk si ek chiDiya
pyari si ek chiDiya
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
