meri talash mat karo

Niyaz Haidar

meri talash mat karo

Niyaz Haidar

MORE BYNiyaz Haidar

    mirī talāsh mat karo na mujh ko sakoge tum

    jahāñ pahuñch gayā huuñ maiñ vahāñ na aa sakoge tum

    tumhāre jism o jaañ dil o nazar meñ huuñ

    tumhāre saath saath zindagī ke

    har safar meñ huuñ

    tum apne aap se abhī nahīñ ho rū-shanās

    taaki dekhte mujhe ḳhud apne aap meñ kabhī

    magar tum apne aap ko na dekh pāoge abhī

    abhī na apne aap se nazar milā sakoge tum

    mirī talāsh mat karo

    na mujh ko sakoge tum

    jahāñ pahuñch gayā huuñ maiñ

    vahāñ na aa sakoge tum

    raushnī ke sehr-kār dā.ere

    banā rahā huuñ zarra-e-haqīr se

    jo sākinān-e-arsh ko muhīt meñ liye hue

    zamīñ samt haiñ ravāñ

    raushnī meñ gum huuñ maiñ

    raushnī mirī numūd

    nazāra-e-tajallī-e-hayāt huuñ

    taab kis nazar meñ hai

    tajalli-e-hayāt na taab sakoge tum

    mirī talāsh mat karo na mujh ko sakoge tum

    ba.īd-az-qayās

    mā-varā-e-fikr-o-āgahī

    tamām kā.enāt hadoñ se paar zindagī

    dānish o ḳhirad be-shumār manzileñ

    be-shumār manzileñ milīñ

    fazā-e-be-zamāñ o be-makāñ justujū meñ gum

    ta.ayyun aur maqām asiir

    meñ kabhī na thā kabhī nahīñ

    agar ta.ayyunāt se pare na sakoge tum

    mirī talāsh mat karo na mujh ko sakoge tum

    mirī talāsh mat karo na mujh ko sakoge tum

    shabīh-e-rañg-rūp

    in quyūd se barī huuñ maiñ

    ḳhayāl-e-zāt aur tasavvur-e-vajūd se buland huuñ

    batāo in bulandiyoñ tak aaj aa sakoge tum

    ḳhud apne aap se kabhī nazar milā sakoge tum

    mirī talāsh mat karo mujhe na sakoge tum

    meri talash mat karo na mujh ko pa sakoge tum

    jahan pahunch gaya hun main wahan na aa sakoge tum

    tumhaare jism o jaan dil o nazar mein hun

    tumhaare sath sath zindagi ke

    har safar mein hun

    tum apne aap se abhi nahin ho ru-shanas

    taki dekhte mujhe KHud apne aap mein kabhi

    magar tum apne aap ko na dekh paoge abhi

    abhi na apne aap se nazar mila sakoge tum

    meri talash mat karo

    na mujh ko pa sakoge tum

    jahan pahunch gaya hun main

    wahan na aa sakoge tum

    raushni ke sehr-kar daere

    bana raha hun zarra-e-haqir se

    jo sakinan-e-arsh ko muhit mein liye hue

    zamin ki samt hain rawan

    raushni mein gum hun main

    raushni meri numud

    nazara-e-tajalli-e-hayat hun

    tab kis nazar mein hai

    tajalli-e-hayat ki na tab la sakoge tum

    meri talash mat karo na mujh ko pa sakoge tum

    baid-az-qayas

    ma-wara-e-fikr-o-agahi

    tamam kaenat ki hadon se par zindagi

    danish o KHirad ki be-shumar manzilen

    be-shumar manzilen milin

    faza-e-be-zaman o be-makan ki justuju mein gum

    tayyun aur maqam ka asir

    mein kabhi na tha kabhi nahin

    agar tayyunat se pare na ja sakoge tum

    meri talash mat karo na mujh ko pa sakoge tum

    meri talash mat karo na mujh ko pa sakoge tum

    shabih-e-rang-rup

    in quyud se bari hun main

    KHayal-e-zat aur tasawwur-e-wajud se buland hun

    batao in bulandiyon tak aaj aa sakoge tum

    KHud apne aap se kabhi nazar mila sakoge tum

    meri talash mat karo mujhe na pa sakoge tum

    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY