meri umr mein bahut se waqt nahin aae

vaqt ki jis meñ us se pyaar kī bāteñ karnī thiiñ

vaqt ki jis meñ us ke jism se sāñseñ bharnī thiiñ

vaqt ki jis meñ dil ke dard kā daarū DhūñDnā thā

kisī kī aañkh meñ apne naam kā aañsū DhūñDnā thā

vaqt ki jis meñ dukh kī raakh se phuul nikalne the

vaqt ki jis meñ vaqt ke tevar aan badalne the

vaqt ki jis meñ kisī se koī va.ada karnā thā

jiinā hai yā marnā ek irāda karnā thā

vaqt kī jis meñ kisī ke vaqt meñ shirkat chāhiye thī

muTThī bhar fursat chuTkī bhar chāhat chāhiye thī

lekin merī umr meñ bahut se vaqt nahīñ aa.e

waqt ki jis mein us se pyar ki baaten karni thin

waqt ki jis mein us ke jism se sansen bharni thin

waqt ki jis mein dil ke dard ka daru DhunDna tha

kisi ki aankh mein apne nam ka aansu DhunDna tha

waqt ki jis mein dukh ki rakh se phul nikalne the

waqt ki jis mein waqt ke tewar aan badalne the

waqt ki jis mein kisi se koi wada karna tha

jina hai ya marna ek irada karna tha

waqt ki jis mein kisi ke waqt mein shirkat chahiye thi

muTThi bhar fursat chuTki bhar chahat chahiye thi

lekin meri umr mein bahut se waqt nahin aae