metro shahr ki ek aam laDki

kaan pak jaate haiñ duniyā kī shikāyat sun kar

kis ne jaanā hai tumheñ kis kā yaqīñ kar luuñ maiñ

vo jo kahte haiñ ke tum aam sī laḌkī ho jise

fikr apnī hai kisī aur se matlab hī nahīñ

apnī rozāna kī routine meñ meñ jakḌī jakḌī

vo hī metro kī savārī vo hī āpā-dhāpī

til na dharne kī jagah phir bhī pahuñchnā hai jise

apnī har chiiz sambhāle hue rahnā hai jise

kaun aayā hai pas-o-pesh samajhne ke liye

kaun aa.egā ye tasvīr badalne ke liye

kitnā āsān hai ilzāmoñ se chhalnī karnā

kitnā āsān hai do bātoñ se zaḳhmī karnā

aise hālāt se laḌ kar jise kuchh banñā hai

puure karne haiñ ka.ī ḳhvāb tamannā hai kuchh

us ke pairoñ kī ye zanjīr haTānī hogī

nasl-e-havvā kī ye tasvīr miTānī hogī

tum se raushan hai har ik ghar magar aisā kyuuñ hai

tum taḌaptī ho to ye jag mirā hañstā kyuuñ hai

bairī duniyā ne tumheñ Thiik se parkhā hī nahīñ

merī āñkhoñ se kisī ne tumheñ dekhā hī nahīñ

kan pak jate hain duniya ki shikayat sun kar

kis ne jaana hai tumhein kis ka yaqin kar lun main

wo jo kahte hain ke tum aam si laDki ho jise

fikr apni hai kisi aur se matlab hi nahin

apni rozana ki routine mein mein jakDi jakDi

wo hi metro ki sawari wo hi aapa-dhapi

til na dharne ki jagah phir bhi pahunchna hai jise

apni har chiz sambhaale hue rahna hai jise

kaun aaya hai pas-o-pesh samajhne ke liye

kaun aaega ye taswir badalne ke liye

kitna aasan hai ilzamon se chhalni karna

kitna aasan hai do baaton se zaKHmi karna

aise haalat se laD kar jise kuchh banna hai

pure karne hain kai KHwab tamanna hai kuchh

us ke pairon ki ye zanjir haTani hogi

nasl-e-hawwa ki ye taswir miTani hogi

tum se raushan hai har ek ghar magar aisa kyun hai

tum taDapti ho to ye jag mera hansta kyun hai

bairi duniya ne tumhein Thik se parkha hi nahin

meri aankhon se kisi ne tumhein dekha hi nahin