aaj ik aur baras biit gayā us ke baġhair

jis ke hote hue hote the zamāne mere

CANCEL DOWNLOAD SHER

mera hona na hona

Mohsin Naqvi

mera hona na hona

Mohsin Naqvi

MORE BYMohsin Naqvi

    mirā honā na honā munhasir hai

    ek nuqte par

    vo ik nuqta

    jo do harfoñ ko aapas meñ milā kar

    lafz tashkīl kartā hai

    vo ik nuqta simaT jaa.e to

    hone har ik imkāñ

    na hone tak saarā fāsla

    pal-bhar meñ tai kar le

    vahī nuqta bikhar jaa.e

    to har ik shai

    na hone ke qafas tīliyoñ ko toḌ kar rakh de

    vo ek nuqta mirī āñkhoñ meñ akasr

    raushnī ke saath rañgoñ ko ugātā hai

    mire idrāk meñ shabnam sūrat

    sitāre tarah lauh-e-yaqīñ par jagmagātā hai

    vahī nuqta mujhe tashkīk ke jañgal meñ

    jugnū ban ke manzil taraf rasta dikhātā hai

    mujhe akasr batātā hai

    mirā honā na hone amal se

    mire hone bhī takmīl hotī hai

    vo ik nuqta kahāñ hai

    kaun hai

    kis ke laboñ meñ chhup ke har isbāt ko

    inkār meñ tabdīl kartā hai

    jo do harfoñ ko aapas meñ milā kar lafz tashkīl kartā hai

    ye nukta bhī isī nuqte meñ muzmar hai

    vo ek nuqta ki ab tak jis ke hone amiiñ huuñ maiñ

    vo ifshā ho to maiñ samjhūñ

    ki huuñ bhī nahīñ huuñ maiñ

    mera hona na hona munhasir hai

    ek nuqte par

    wo ek nuqta

    jo do harfon ko aapas mein mila kar

    lafz ki tashkil karta hai

    wo ek nuqta simaT jae to

    hone ka har ek imkan

    na hone tak ka sara fasla

    pal-bhar mein tai kar le

    wahi nuqta bikhar jae

    to har ek shai

    na hone ke qafas ki tiliyon ko toD kar rakh de

    wo ek nuqta meri aankhon mein akasr

    raushni ke sath rangon ko ugata hai

    mere idrak mein shabnam ki surat

    ya sitare ki tarah lauh-e-yaqin par jagmagata hai

    wahi nuqta mujhe tashkik ke jangal mein

    jugnu ban ke manzil ki taraf rasta dikhata hai

    mujhe akasr batata hai

    mera hona na hone ka amal se

    mere hone ki bhi takmil hoti hai

    wo ek nuqta kahan hai

    kaun hai

    kis ke labon mein chhup ke har isbaat ko

    inkar mein tabdil karta hai

    jo do harfon ko aapas mein mila kar lafz ki tashkil karta hai

    ye nukta bhi isi nuqte mein muzmar hai

    wo ek nuqta ki ab tak jis ke hone ka amin hun main

    wo ifsha ho to main samjhun

    ki hun bhi ya nahin hun main

    Source:

    Kulliyat-e-mohsin (Pg. 971)

    • Author: Mohsin Naqvi
      • Edition: 2010
      • Publisher: Mavra Publishers
      • Year of Publication: 2010
    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY

    Jashn-e-Rekhta | 8-9-10 December 2023 - Major Dhyan Chand National Stadium, Near India Gate - New Delhi

    GET YOUR PASS
    Speak Now