mere sath chal

ai hayāt-e-nau ke payāmbar

mire saath chal mire saath chal

maiñ huuñ ham-qadam tirī ham-safar

mire saath chal mire saath chal

maiñ nashāt-e-shām-o-sahar bhī huuñ

maiñ hayāt-e-shāḳh-o-samar bhī huuñ

ai mire vajūd se be-ḳhabar

mire saath chal mire saath chal

tū hī kārvāñ kā amiin hai

tire saath merā yaqīn hai

tū hī hukmrāñ tū hī rāhbar

mire saath chal mire saath chal

tire naqsh-e-pā kī asiir hai

tirī manziloñ kī safīr hai

mirī fikr aur mirī nazar

mire saath chal mire saath chal

na.e moḌ rāhoñ meñ aa ga.e

na.ī kashmakash ko jagā ga.e

mirī manziloñ ko talāsh kar

mire saath chal mire saath chal

haiñ na.e ufuq na.e āsmāñ

hai chaman nayā nayā āshiyāñ

tū sañvār de mire bāl-o-par

mire saath chal mire saath chal

mire dil meñ ḳhauf-e-jahāñ bhī hai

hai yaqīn kuchh to gumāñ bhī hai

abhī tarz-e-nau se huuñ be-ḳhabar

mire saath chal mire saath chal

nayā nuur chashm-e-falak meñ hai

na.ī aab shams-o-qamar meñ hai

huī ḳhīra ḳhīra mirī nazar

mire saath chal mire saath chal

maiñ savāl huuñ tū javāb de

mirī zindagī kā hisāb de

kyoñ vafā.eñ merī haiñ be-asar

mire saath chal mire saath chal

mirā nāḳhudā hai ḳhudā nahīñ

tirī ham-qadam huuñ gadā nahīñ

mirī bebasī ko tamām kar

mire saath chal mire saath chal

ai hayat-e-nau ke payambar

mere sath chal mere sath chal

main hun ham-qadam teri ham-safar

mere sath chal mere sath chal

main nashat-e-sham-o-sahar bhi hun

main hayat-e-shaKH-o-samar bhi hun

ai mere wajud se be-KHabar

mere sath chal mere sath chal

tu hi karwan ka amin hai

tere sath mera yaqin hai

tu hi hukmran tu hi rahbar

mere sath chal mere sath chal

tere naqsh-e-pa ki asir hai

teri manzilon ki safir hai

meri fikr aur meri nazar

mere sath chal mere sath chal

nae moD rahon mein aa gae

nai kashmakash ko jaga gae

meri manzilon ko talash kar

mere sath chal mere sath chal

hain nae ufuq nae aasman

hai chaman naya naya aashiyan

tu sanwar de mere baal-o-par

mere sath chal mere sath chal

mere dil mein KHauf-e-jahan bhi hai

hai yaqin kuchh to guman bhi hai

abhi tarz-e-nau se hun be-KHabar

mere sath chal mere sath chal

naya nur chashm-e-falak mein hai

nai aab shams-o-qamar mein hai

hui KHira KHira meri nazar

mere sath chal mere sath chal

main sawal hun tu jawab de

meri zindagi ka hisab de

kyon wafaen meri hain be-asar

mere sath chal mere sath chal

mera naKHuda hai KHuda nahin

teri ham-qadam hun gada nahin

meri bebasi ko tamam kar

mere sath chal mere sath chal