meri dua hai

Javed Akhtar

meri dua hai

Javed Akhtar

MORE BY Javed Akhtar

    ḳhalā ke gahre samundaroñ meñ

    agar kahīñ koī hai jazīra

    jahāñ koī saañs le rahā hai

    jahāñ koī dil dhaḌak rahā hai

    jahāñ zehānat ne ilm jaam liyā hai

    jahāñ ke baasī

    ḳhalā ke gahre samundaroñ meñ

    utārne ko haiñ apne beḌe

    talāsh karne koī jazīra

    jahāñ koī saañs le rahā hai

    jahāñ koī dil dhaḌak rahā hai

    mirī duā hai

    ki us jazīre meñ rahne vāloñ ke jism rañg

    is jazīre ke rahne vāloñ ke jism ke jitne rañg haiñ

    in se muḳhtalif ho

    badan hai.at bhī muḳhtalif

    aur shakl-o-sūrat bhī muḳhtalif ho

    mirī duā hai

    agar hai un bhī koī maz.hab

    to is jazīre ke maz.haboñ se vo muḳhtalif ho

    mirī duā hai

    ki is jazīre sab zabānoñ se muḳhtalif ho zabān un

    mirī duā hai

    ḳhalā ke gahre samundaroñ se guzar ke

    ik din

    is ajnabī nasl ke jahāzī

    ḳhalā.ī beḌe meñ

    is jazīre tak aa.eñ

    ham un ke mezbāñ hoñ

    ham un ko hairat se dekhte hoñ

    vo paas aa kar

    hameñ ishāroñ se ye batā.eñ

    ki un se ham itne muḳhtalif haiñ

    ki un ko lagtā hai

    is jazīre ke rahne vaale

    sab ek se haiñ

    mirī duā hai

    ki is jazīre ke rahne vaale

    us ajnabī nasl ke kahe yaqīn kar leñ

    KHala ke gahre samundaron mein

    agar kahin koi hai jazira

    jahan koi sans le raha hai

    jahan koi dil dhaDak raha hai

    jahan zehanat ne ilm ka jam pi liya hai

    jahan ke basi

    KHala ke gahre samundaron mein

    utarne ko hain apne beDe

    talash karne koi jazira

    jahan koi sans le raha hai

    jahan koi dil dhaDak raha hai

    meri dua hai

    ki us jazire mein rahne walon ke jism ka rang

    is jazire ke rahne walon ke jism ke jitne rang hain

    in se muKHtalif ho

    badan ki haiat bhi muKHtalif

    aur shakl-o-surat bhi muKHtalif ho

    meri dua hai

    agar hai un ka bhi koi mazhab

    to is jazire ke mazhabon se wo muKHtalif ho

    meri dua hai

    ki is jazire ki sab zabanon se muKHtalif ho zaban un ki

    meri dua hai

    KHala ke gahre samundaron se guzar ke

    ek din

    is ajnabi nasl ke jahazi

    KHalai beDe mein

    is jazire tak aaen

    hum un ke mezban hon

    hum un ko hairat se dekhte hon

    wo pas aa kar

    hamein ishaaron se ye bataen

    ki un se hum itne muKHtalif hain

    ki un ko lagta hai

    is jazire ke rahne wale

    sab ek se hain

    meri dua hai

    ki is jazire ke rahne wale

    us ajnabi nasl ke kahe ka yaqin kar len

    Source:

    • Book: Tarkash (Pg. 138)
    • Author: Javed Akhtar
    • Publication: Star Publications Pvt. Ltd (2008)
    • Edition: 2008
    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY

    Added to your favorites

    Removed from your favorites