meri main jashn-e-shab-e-munawwar

Abdul Aziz Fitrat

meri main jashn-e-shab-e-munawwar

Abdul Aziz Fitrat

MORE BYAbdul Aziz Fitrat

    ghar ai dil-e-be-qarār zindāñ se kam nahīñ qaid kaun kaaTe

    hasīn sarmā chāñd dīvāna-vār ko bulā rahā hai

    fusūn-e-mahtāb qasam hai phir aaj shab kuchh na likh sakūñgā

    phir aaj ghar meñ na rah sakūñgā

    ki ik junūñ hai mujh pe taarī

    manāzir-e-koh-o-kunj jashn-e-shab-e-munavvar manā rahe haiñ

    bulā rahe haiñ mujhe mire vāste qayāmat uThā rahe haiñ

    ġhazab us barf-basta ThanDī havā meñ sailāb chāñdnī

    badan to hai munjamid ragoñ meñ lahū magar tamtamā rahā hai

    balā hai sard raat lekin maiñ aaj āvārgī karūñgā

    ki chāñd vaadī ke zarre zarre ko jalva-ḳhana banā rahā hai

    na ruk sakūñgā maiñ aaj ghar meñ

    ki chāñdnī kashish ġhazab hai

    safīna-e-shauq-o-sher duniyā-e-nūr meñ Dagmagā rahā hai

    sukūt-e-shab meñ fazā bhī juzv-e-sukūt-e-shab ho ga.ī hai 'fitrat'

    mah-e-daraḳhshāñ faqat ġhazal merī zer-e-lab gungunā rahā hai

    maiñ aaj ghar par na ruk sakūñgā

    hasīn sarmā chāñd ishāroñ se dekh mujh ko bulā rahā hai

    ghar ai dil-e-be-qarar zindan se kam nahin qaid kaun kaTe

    hasin sarma ka chand diwana-war ko bula raha hai

    fusun-e-mahtab ki qasam hai phir aaj shab kuchh na likh sakunga

    phir aaj ghar mein na rah sakunga

    ki ek junun sa hai mujh pe tari

    manazir-e-koh-o-kunj jashn-e-shab-e-munawwar mana rahe hain

    bula rahe hain mujhe mere waste qayamat uTha rahe hain

    ghazab ki us barf-basta ThanDi hawa mein sailab chandni ka

    badan to hai munjamid ragon mein lahu magar tamtama raha hai

    bala ki hai sard raat lekin main aaj aawargi karunga

    ki chand wadi ke zarre zarre ko jalwa-KHana bana raha hai

    na ruk sakunga main aaj ghar mein

    ki chandni ki kashish ghazab hai

    safina-e-shauq-o-sher duniya-e-nur mein Dagmaga raha hai

    sukut-e-shab mein faza bhi juzw-e-sukut-e-shab ho gai hai 'fitrat'

    mah-e-daraKHshan faqat ghazal meri zer-e-lab gunguna raha hai

    main aaj ghar par na ruk sakunga

    hasin sarma ka chand ishaaron se dekh mujh ko bula raha hai

    Source:

    • Book : auraq salnama magazines (Pg. e-255 p-243)
    • Author : Wazir Agha,Arif Abdul Mateen
    • Publication : Daftar Mahnama Auraq Lahore (1967 )
    • Edition : 1967
    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY