meri yaad tumko bhi aati to hogi

mirī yaad tum ko bhī aatī to hogī

guzishtā mohabbat satātī to hogī

adhūrī mohabbat kī bisrī kahānī

kabhī dil ke hāthoñ rulātī to hogī

na jaane kahāñ ham na jaane kahāñ tum

ye bichhḌoñ ko qismat milātī to hogī

kahīñ bhuul se mil na jaa.eñ ḳhudāyā

mirī tarah tum bhī manātī to hogī

bas itnā batā do ki ḳhush ho jahāñ ho

nazar aa.ine meñ milātī to hogī

zamāne kī tarah na shāyad hañso tum

mire naam par muskurātī to hogī

na tum jiit pā.īñ na ham jiit paa.e

ye sahrā-nazar DabDabātī to hogī

ajab hai ye rishta hamārā tumhārā

hañsī sī zamāne pe aatī to hogī

ḳhalish sī jigar meñ jagātī to hogī

mirī yaad tum ko bhī aatī to hogī

meri yaad tum ko bhi aati to hogi

guzishta mohabbat satati to hogi

adhuri mohabbat ki bisri kahani

kabhi dil ke hathon rulati to hogi

na jaane kahan hum na jaane kahan tum

ye bichhDon ko qismat milati to hogi

kahin bhul se mil na jaen KHudaya

meri tarah tum bhi manati to hogi

bas itna bata do ki KHush ho jahan ho

nazar aaine mein milati to hogi

zamane ki tarah na shayad hanso tum

mere nam par muskuraati to hogi

na tum jit pain na hum jit pae

ye sahra-nazar DabDabaati to hogi

ajab hai ye rishta hamara tumhaara

hansi si zamane pe aati to hogi

KHalish si jigar mein jagati to hogi

meri yaad tum ko bhi aati to hogi