misra-e-sani

ai mire hamdam-e-derīna ka.ī din pahle

tujh pe likkhī huī tahrīreñ jalā dī maiñ ne

ek misra' jo qarīb-e-dil-e-mahzūñ thā bahut

ek bosīda se kāġhaz pe use rahne diyā

vo kisī shā'ir-e-gumnām kā misra' thā magar

aisā lagtā thā ki barsoñ kī shanāsā.ī ho

jī meñ aatā hai sabhī ko vo sunā duuñ lekin

sochtā huuñ ki ye paimān-e-vafā ke hai ḳhilāf

aisā karne se mire 'ahd kā dam TūTegā

kuchh na TuuTe bhī to ulfat kā bharam TūTegā

haañ magar zabt ko siine se lagā kar rakhnā

ek muddat hī to jiine kā mazā detā hai

is liye aaj takalluf na karūñgā kuchh bhī

chāhe ye fe'l mirī jaan aziyyat Thahre

saare 'ālam meñ tamāshā-e-vafā ho ki na ho

ab zamāne ko sunātā huuñ to tū bhī sun le

vo kisī shā'ir-e-gumnām kā misra' yuuñ hai

ham gunahgār haiñ iqrār se Dar jaate haiñ

ai mere hamdam-e-derina kai din pahle

tujh pe likkhi hui tahriren jala di main ne

ek misra' jo qarib-e-dil-e-mahzun tha bahut

ek bosida se kaghaz pe use rahne diya

wo kisi sha'ir-e-gumnam ka misra' tha magar

aisa lagta tha ki barson ki shanasai ho

ji mein aata hai sabhi ko wo suna dun lekin

sochta hun ki ye paiman-e-wafa ke hai KHilaf

aisa karne se mere 'ahd ka dam TuTega

kuchh na TuTe bhi to ulfat ka bharam TuTega

han magar zabt ko sine se laga kar rakhna

ek muddat hi to jine ka maza deta hai

is liye aaj takalluf na karunga kuchh bhi

chahe ye fe'l meri jaan aziyyat Thahre

sare 'alam mein tamasha-e-wafa ho ki na ho

ab zamane ko sunata hun to tu bhi sun le

wo kisi sha'ir-e-gumnam ka misra' yun hai

hum gunahgar hain iqrar se Dar jate hain