مس سیمیں بدن

اکبر الہ آبادی

مس سیمیں بدن

اکبر الہ آبادی

MORE BYاکبر الہ آبادی

    ایک مس سیمیں بدن سے کر لیا لندن میں عقد

    اس خطا پر سن رہا ہوں طعنہ ہائے دل خراش

    کوئی کہتا ہے کہ بس اس نے بگاڑی نسل قوم

    کوئی کہتا ہے کہ یہ ہے بد خصال و بد معاش

    دل میں کچھ انصاف کرتا ہی نہیں کوئی بزرگ

    ہو کے اب مجبور خود اس راز کو کرتا ہوں فاش

    ہوتی تھی تاکید لندن جاؤ انگریزی پڑھو

    قوم انگلش سے ملو سیکھو وہی وضع تراش

    جگمگاتے ہوٹلوں کا جا کے نظارہ کرو

    سوپ و کری کے مزے لو چھوڑ کر یخنی و آش

    لیڈیوں سے مل کے دیکھو ان کے انداز و طریق

    ہال میں ناچو کلب میں جاکے کھیلو ان سے تاش

    بادۂ تہذیب یورپ کے چڑھاؤ خم کے خم

    ایشیا کے شیشۂ تقویٰ کو کر دو پاش پاش

    جب عمل اس پر کیا پریوں کا سایہ ہو گیا

    جس سے تھا دل کی حرارت کو سراسر انتعاش

    سامنے تھیں لیڈیاں زہرہ وش و جادو نظر

    یاں جوانی کی امنگ اور ان کو عاشق کی تلاش

    اس کی چتون سحر آگیں اس کی باتیں دل ربا

    چال اس کی فتنہ خیز اس کی نگاہیں برق پاش

    وہ فروغ آتش رخ جس کے آگے آفتاب

    اس طرح جیسے کہ پیش شمع پروانے کی لاش

    جب یہ صورت تھی تو ممکن تھا کہ اک برق بلا

    دست سیمیں کو بڑھاتی اور میں کہتا دور باش؟

    دونوں جانب تھا رگوں میں جوش خون فتنہ زا

    دل ہی تھا آخر نہیں تھی برف کی یہ کوئی قاش

    بار بار آتا ہے اکبرؔ میرے دل میں یہ خیال

    حضرت سید سے جاکر عرض کرتا کوئی کاش

    'درمیان قعر دریا تختہ بندم کردہ ای

    'باز می گوئی کہ دامن تر مکن ہشیار باش'

    موضوعات :

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY