miTTi thi kis jagah ki

be-faiz sā.atoñ meñ

muñh-zor mausamoñ meñ

ḳhud se kalām karte

ukhḌī huī tanāboñ

din-bhar kī saḳhtiyoñ se

uktā ke so ga.e the

bārish thī be-nihāyat

miTTī se uTh rahī thī

ḳhushbū kisī vatan kī

ḳhushbū se jhāñkte the

galiyāñ makāñ darīche

aur bachpane ke āñgan

ik dhuup ke kināre

āsā.ishoñ ke maidāñ

uḌte hue parinde

ik ujle āsmāñ par

do nīm-bāz āñkheñ

bedāriyoñ kī zad par

tā-hadd-e-ḳhāk uḌte

be-samt be-irāda

kuchh ḳhvāb fursatoñ ke

kuchh naam chāhatoñ ke

kin pāniyoñ meñ utre

kin bastiyoñ se guzre

thī sub.h kis zamīñ par

aur shab kahāñ pe aa.ī

miTTī thī kis jagah kī

uḌtī phirī kahāñ par

is ḳhāk-dāñ pe kuchh bhī

daa.im nahīñ rahegā

hai paañv meñ jo chakkar

qaa.em nahīñ rahegā

dastak thī kin dinoñ kī

āvāz kin rutoñ kī

ḳhāna-ba-dosh jaage

ḳhemoñ meñ uḌ rahī thiiñ

āñkhoñ meñ bhar ga.ī thī

ik aur shab ke nīndeñ

aur shahr-e-be-amāñ meñ

phir sub.h ho rahī thī

be-faiz saaton mein

munh-zor mausamon mein

KHud se kalam karte

ukhDi hui tanabon

din-bhar ki saKHtiyon se

ukta ke so gae the

barish thi be-nihayat

miTTi se uTh rahi thi

KHushbu kisi watan ki

KHushbu se jhankte the

galiyan makan dariche

aur bachpane ke aangan

ek dhup ke kinare

aasaishon ke maidan

uDte hue parinde

ek ujle aasman par

do nim-baz aankhen

bedariyon ki zad par

ta-hadd-e-KHak uDte

be-samt be-irada

kuchh KHwab fursaton ke

kuchh nam chahaton ke

kin paniyon mein utre

kin bastiyon se guzre

thi subh kis zamin par

aur shab kahan pe aai

miTTi thi kis jagah ki

uDti phiri kahan par

is KHak-dan pe kuchh bhi

daim nahin rahega

hai panw mein jo chakkar

qaem nahin rahega

dastak thi kin dinon ki

aawaz kin ruton ki

KHana-ba-dosh jage

KHemon mein uD rahi thin

aankhon mein bhar gai thi

ek aur shab ke ninden

aur shahr-e-be-aman mein

phir subh ho rahi thi