mobile

ik jādūī khilaunā hāthoñ pe dhar liye haiñ

bachche javān būḌhe sab is se khelte haiñ

āñkheñ gaḌī huī haiñ aur uñgliyāñ haiñ raqsāñ

duniyā kī sair is meñ sab lutf ke haiñ sāmāñ

tasvīr o film is meñ youtube radio bhī

bhāshan bhajan tilāvat naġhmāt-e-radio bhī

camera-o-conferencing haiñ ehtimām saare

har ghar meñ har galī meñ is ke ġhulām saare

sach pūchhiye to ye hai jaadū kā ik khilaunā

hai is meñ sar khapānā umr-e-azīz khonā

gumrāhiyoñ ke raste is meñ khule hue haiñ

is rāh-e-ilm meñ bhī Daaku chhupe hue haiñ

mīloñ kī dūriyāñ haiñ pal meñ ubuur kartā

dil dūriyāñ bhī achchhā hotā jo duur kartā

ek jadui khilauna hathon pe dhar liye hain

bachche jawan buDhe sab is se khelte hain

aankhen gaDi hui hain aur ungliyan hain raqsan

duniya ki sair is mein sab lutf ke hain saman

taswir o film is mein youtube radio bhi

bhashan bhajan tilawat naghmat-e-radio bhi

camera-o-conferencing hain ehtimam sare

har ghar mein har gali mein is ke ghulam sare

sach puchhiye to ye hai jadu ka ek khilauna

hai is mein sar khapana umr-e-aziz khona

gumrahiyon ke raste is mein khule hue hain

is rah-e-ilm mein bhi Daku chhupe hue hain

milon ki duriyan hain pal mein ubur karta

dil duriyan bhi achchha hota jo dur karta