mohabbat ke raste mein

mohabbat ke rāste meñ

ek saḌak hai

jo mohabbat kī taraf nahīñ jaatī

aur ek pul hai

jo kisī saḌak yā dariyā ko

paar karne meñ istima.al nahīñ hotā

mohabbat ke rāste meñ

ek ghar hai

jis meñ mohabbat

kabhī nahīñ rahtī

aur ek qila

jis meñ andar dāḳhil ho ke

koī bāhar nahīñ nikal saktā

mohabbat ke rāste meñ

ek daraḳht hai

ham jis ke saa.e meñ

dhuup se nahīñ bach sakte

aur ek dīvār hai

jis par kabhī dhuup nahīñ paḌtī

mohabbat ke rāste meñ

ek samundar hai

jis meñ kabhī raat nahīñ hotī

aur ek jañgal

jis meñ phailī huī raat ko

ham paar nahīñ kar sakte

mohabbat ke rāste meñ

havā aur udāsī ke ruḳh par

ek kamra hai

jis meñ baiTh ke

ham kisī ko yaad kar sakte haiñ

aur bhulā sakte haiñ

mohabbat ke raste mein

ek saDak hai

jo mohabbat ki taraf nahin jati

aur ek pul hai

jo kisi saDak ya dariya ko

par karne mein istimal nahin hota

mohabbat ke raste mein

ek ghar hai

jis mein mohabbat

kabhi nahin rahti

aur ek qila

jis mein andar daKHil ho ke

koi bahar nahin nikal sakta

mohabbat ke raste mein

ek daraKHt hai

hum jis ke sae mein

dhup se nahin bach sakte

aur ek diwar hai

jis par kabhi dhup nahin paDti

mohabbat ke raste mein

ek samundar hai

jis mein kabhi raat nahin hoti

aur ek jangal

jis mein phaili hui raat ko

hum par nahin kar sakte

mohabbat ke raste mein

hawa aur udasi ke ruKH par

ek kamra hai

jis mein baiTh ke

hum kisi ko yaad kar sakte hain

aur bhula sakte hain