Font by Mehr Nastaliq Web

aaj ik aur baras biit gayā us ke baġhair

jis ke hote hue hote the zamāne mere

CANCEL DOWNLOAD SHER

mohabbat kya hai

Omainuz Zahra Sayyad

mohabbat kya hai

Omainuz Zahra Sayyad

MORE BYOmainuz Zahra Sayyad

    mere nazdīk mohabbat ilhāmī shai hai

    ye āsmānoñ se utartī hai

    dil paak shaffāf zamīn par

    ye mohabbat azān-e-fajr ke baad utartī huī paak sahar hai

    ye itnī paak hai jitnā jis taḳhayyul paak hai

    mohabbat is qadar pākīza hotī hai jitnā jis ḳhuun paak hotā hai

    mohabbat us ko kahte haiñ jab roza-dār iftār ke vaqt

    ik paanī gilās sāmne rakhe us āvāz intizār kartā hai ki kab hukm ho

    us āvāz intizār mohabbat hai

    mohabbat vo manzil hai jis ke rāste pe chalne vaale dil āb-e-zamzam se dhule hote haiñ

    mohabbat rizq hai un āñkhoñ jo mahbūb dīdār bā-vazū ho kar kartī haiñ

    un logoñ ke chahār-jānib bahār-e-mohabbat ke gulāb khilte haiñ jin pe ḳhizāñ nahīñ aatī

    mohabbat gulshan

    izzat ḳhushbū se mahaktā hai

    ye mohabbat vo jazba hai jis ke tahat garmī shiddat pyaas hiddat meñ

    chhāñv jagah par parindoñ ko paanī rakhā jaa.e

    ye mohabbat vo manzil hai jis pe pahuñchne ke liye ik pyāse kutte ko paanī pilānā paḌtā hai

    mohabbat naam zabān pe aane se pahle soch ko bā-vazū ho jaanā chāhiye

    aur jinhoñ ne nām-e-mohabbat ko utran tarah pahnā hai

    jinhoñ ne mohabbat ko dhoka diyā hai

    un pe phir mohabbat azaab ban ke utartī hai

    mohabbat ruuTh jaatī hai

    kyūñki ye izzat hai

    aisī izzat jo mohabbat se pahle dil sarzamīn pe utre

    aur izzateñ buland raheñ hamesha mohabbatoñ se

    jahāñ izzat sar-bulandī rahegī vahāñ mohabbat hamesha zinda rahegī

    aur jin logoñ ne

    mohabbat ko kārobār banāyā hai

    vo log mohabbat miim se nā-balad haiñ

    un ke vāste mohabbat naam ke chand din hote haiñ

    phir bahāne aur apnī ġhalīz fitrat ke pesh-e-nazar

    kabhī ik dar kabhī dūsrā dar

    kabhī yahāñ jhukā kabhī vahāñ jhukā

    are suno

    mohabbat ke naam pe ta'alluqāt ko libās se jald badalne vaale insān

    tauhīn mat karo mohabbat

    is ilhāmī shai ko is paak jazbe ko paak rahne do

    aur yaad rakho tauhīn-e-mohabbat ke murtakib

    tum se to ab nafrat bhī mere shāyān-e-shān nahīñ

    mere nazdik mohabbat ilhami shai hai

    ye aasmanon se utarti hai

    dil ki pak shaffaf zamin par

    ye mohabbat azan-e-fajr ke baad utarti hui pak sahar hai

    ye itni pak hai jitna jis ka taKHayyul pak hai

    mohabbat is qadar pakiza hoti hai jitna jis ka KHun pak hota hai

    mohabbat us ko kahte hain jab roza-dar iftar ke waqt

    ek pani ka gilas samne rakhe us aawaz ka intizar karta hai ki kab hukm ho

    us aawaz ka intizar mohabbat hai

    mohabbat wo manzil hai jis ke raste pe chalne wale dil aab-e-zamzam se dhule hote hain

    mohabbat rizq hai un aankhon ka jo mahbub ka didar ba-wazu ho kar karti hain

    un logon ke chahaar-jaanib bahaar-e-mohabbat ke gulab khilte hain jin pe KHizan nahin aati

    mohabbat ka gulshan

    izzat ki KHushbu se mahakta hai

    ye mohabbat wo jazba hai jis ke tahat garmi ki shiddat pyas ki hiddat mein

    chhanw ki jagah par parindon ko pani rakha jae

    ye mohabbat wo manzil hai jis pe pahunchne ke liye ek pyase kutte ko pani pilana paDta hai

    mohabbat nam zaban pe aane se pahle soch ko ba-wazu ho jaana chahiye

    aur jinhon ne nam-e-mohabbat ko utran ki tarah pahna hai

    jinhon ne mohabbat ko hi dhoka diya hai

    un pe phir mohabbat azab ban ke utarti hai

    mohabbat ruTh jati hai

    kyunki ye izzat hai

    aisi izzat jo mohabbat se pahle dil ki sarzamin pe utre

    aur izzaten buland rahen hamesha mohabbaton se

    jahan izzat ki sar-bulandi rahegi wahan mohabbat hamesha zinda rahegi

    aur jin logon ne

    mohabbat ko karobar banaya hai

    wo log mohabbat ki mim se na-balad hain

    un ke waste mohabbat nam ke chand din hote hain

    phir bahane aur apni ghaliz fitrat ke pesh-e-nazar

    kabhi ek dar kabhi dusra dar

    kabhi yahan jhuka kabhi wahan jhuka

    are suno

    mohabbat ke nam pe ta'alluqat ko libas se jald badalne wale insan

    tauhin mat karo mohabbat ki

    is ilhami shai ko is pak jazbe ko pak rahne do

    aur yaad rakho tauhin-e-mohabbat ke murtakib

    tum se to ab nafrat bhi mere shayan-e-shan nahin

    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY

    Jashn-e-Rekhta | 8-9-10 December 2023 - Major Dhyan Chand National Stadium, Near India Gate - New Delhi

    GET YOUR PASS
    Speak Now