aaj ik aur baras biit gayā us ke baġhair

jis ke hote hue hote the zamāne mere

CANCEL DOWNLOAD SHER

mohabbat

Allama Iqbal

mohabbat

Allama Iqbal

MORE BYAllama Iqbal

    Interesting Fact

    From Part-2: 1905-1908 (Bang-e-Dara)

    urūs-e-shab zulfeñ thiiñ abhī nā-āshnā ḳham se

    sitāre āsmāñ ke be-ḳhabar the lazzat-e-ram se

    qamar apne libās-e-nau meñ begāna lagtā thā

    na thā vāqif abhī gardish ke ā.īn-e-musallam se

    abhī imkāñ ke zulmat-ḳhāne se ubhrī thī duniyā

    mazāq-e-zindagī poshīda thā pahnā-e-ālam se

    kamāl-e-nazm-e-hastī abhī thī ibtidā goyā

    huvaidā thī nagīne tamannā chashm-e-ḳhātam se

    sunā hai ālam-e-bālā meñ koī kīmiyā-gar thā

    safā thī jis ḳhāk-e-pā meñ baḌh kar sāġhar-e-jam se

    likhā thā arsh ke paa.e pe ik iksīr nusḳha

    chhupāte the farishte jis ko chashm-e-rūh-e-ādam se

    nigāheñ taak meñ rahtī thiiñ lekin kīmiyā-gar

    vo is nusḳhe ko baḌh kar jāntā thā ism-e-āzam se

    baḌhā tasbīh-ḳhvānī ke bahāne arsh jānib

    tamannā-e-dilī āḳhir bar aa.ī sa.i-e-paiham se

    phirāyā fikr-e-ajzā ne use maidān-e-imkāñ meñ

    chhupegī kyā koī shai bārgāh-e-haq ke mahram se

    chamak taare se māñgī chāñd se dāġh-e-jigar māñgā

    uḌaa.ī tīrgī thoḌī shab zulf-e-barham se

    taḌap bijlī se paa.ī huur se pākīzgī paa.ī

    harārat nafas-hā-e-masīh-e-ibn-e-maryam se

    zarā phir rubūbiyat se shān-e-be-niyāzī

    malak se ājizī uftādgī taqdīr shabnam se

    phir in ajzā ko gholā chashma-e-haivāñ ke paanī meñ

    murkkab ne mohabbat naam paayā arsh-e-āzam se

    muhavvis ne ye paanī hasti-e-nau-ḳhez par chhiḌkā

    girah kholī hunar ne us ke goyā kār-e-ālam se

    huī jumbish ayaañ zarroñ ne lutf-e-ḳhvāb ko chhoḌā

    gale milne lage uTh uTh ke apne apne hamdam se

    ḳhirām-e-nāz paayā āftāboñ ne sitāroñ ne

    chaTak ġhunchoñ ne paa.ī daaġh paa.e lāla-zāroñ ne

    urus-e-shab ki zulfen thin abhi na-ashna KHam se

    sitare aasman ke be-KHabar the lazzat-e-ram se

    qamar apne libas-e-nau mein begana sa lagta tha

    na tha waqif abhi gardish ke aain-e-musallam se

    abhi imkan ke zulmat-KHane se ubhri hi thi duniya

    mazaq-e-zindagi poshida tha pahna-e-alam se

    kamal-e-nazm-e-hasti ki abhi thi ibtida goya

    huwaida thi nagine ki tamanna chashm-e-KHatam se

    suna hai aalam-e-baala mein koi kimiya-gar tha

    safa thi jis ki KHak-e-pa mein baDh kar saghar-e-jam se

    likha tha arsh ke pae pe ek iksir ka nusKHa

    chhupate the farishte jis ko chashm-e-ruh-e-adam se

    nigahen tak mein rahti thin lekin kimiya-gar ki

    wo is nusKHe ko baDh kar jaanta tha ism-e-azam se

    baDha tasbih-KHwani ke bahane arsh ki jaanib

    tamanna-e-dili aaKHir bar aai sai-e-paiham se

    phiraya fikr-e-ajza ne use maidan-e-imkan mein

    chhupegi kya koi shai bargah-e-haq ke mahram se

    chamak tare se mangi chand se dagh-e-jigar manga

    uDai tirgi thoDi si shab ki zulf-e-barham se

    taDap bijli se pai hur se pakizgi pai

    hararat li nafas-ha-e-masih-e-ibn-e-maryam se

    zara si phir rububiyat se shan-e-be-niyazi li

    malak se aajizi uftadgi taqdir shabnam se

    phir in ajza ko ghola chashma-e-haiwan ke pani mein

    murkkab ne mohabbat nam paya arsh-e-azam se

    muhawwis ne ye pani hasti-e-nau-KHez par chhiDka

    girah kholi hunar ne us ke goya kar-e-alam se

    hui jumbish ayan zarron ne lutf-e-KHwab ko chhoDa

    gale milne lage uTh uTh ke apne apne hamdam se

    KHiram-e-naz paya aaftabon ne sitaron ne

    chaTak ghunchon ne pai dagh pae lala-zaron ne

    Videos
    This video is playing from YouTube

    Videos
    This video is playing from YouTube

    Zia Mohyeddin

    Zia Mohyeddin

    RECITATIONS

    Zia Mohyeddin

    Zia Mohyeddin,

    Zia Mohyeddin

    mohabbat Zia Mohyeddin

    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY

    Jashn-e-Rekhta | 8-9-10 December 2023 - Major Dhyan Chand National Stadium, Near India Gate - New Delhi

    GET YOUR PASS
    Speak Now