mowe on

maiñ ne apnī aap madad kī

maiñ ne apne aañsū poñchhe

maiñ ne apne zaḳhmoñ par ḳhud paTTī bāñdhī

maiñ ne apne TuuTe dil ke har TukḌe ko Thiik tarah se joḌ liyā hai

maiñ ne kuchh filmoñ ke sahāre phir se hañsnā siikh liyā hai

maiñ ne ḳhud ko vaqt diyā hai

maiñ ne apnī almārī meñ paḌī kitāboñ ke uupar se dhuul haTā.ī

baal kaTā.e shave banā.ī

maiñ apne har shauq ko phir se zinda kar ke un ko puurā karne kā bhī soch rahā huuñ

ab maiñ akelā nahīñ rahā huuñ

ab maiñ apne saath khaḌā huuñ

ye sab kuchh ehsān nahīñ hai

qarz hai merā mere uupar

aur kisī se aas nahīñ thī

ye sab maiñ hī kar saktā thā

vaqt vagarna in āñkhoñ meñ nā-ummīdī bhar saktā thā

ik din maiñ bhī train se kaT kar mar saktā thā

main ne apni aap madad ki

main ne apne aansu ponchhe

main ne apne zaKHmon par KHud paTTi bandhi

main ne apne TuTe dil ke har TukDe ko Thik tarah se joD liya hai

main ne kuchh filmon ke sahaare phir se hansna sikh liya hai

main ne KHud ko waqt diya hai

main ne apni almari mein paDi kitabon ke upar se dhul haTai

baal kaTae shawe banai

main apne har shauq ko phir se zinda kar ke un ko pura karne ka bhi soch raha hun

ab main akela nahin raha hun

ab main apne sath khaDa hun

ye sab kuchh ehsan nahin hai

qarz hai mera mere upar

aur kisi se aas nahin thi

ye sab main hi kar sakta tha

waqt wagarna in aankhon mein na-ummidi bhar sakta tha

ek din main bhi train se kaT kar mar sakta tha