muazziz shair ki kaenat

Rafiullah Mian

muazziz shair ki kaenat

Rafiullah Mian

MORE BYRafiullah Mian

    tumhāre dil sañg-lāḳh vaadī meñ

    dushvār-guzār aur pur-pech rāstoñ ke beach

    kahīñ kisī maqām par

    ek shikasta-hāl jhoñpaḌī garm havā ke thapeḌoñ se

    apnī zañg-ālūd meḳhoñ ke bal par

    vaise phaḌphaḌā rahī hai

    jaise diye jāñ-ba-lab lau

    añdheroñ ko shikast dene ke ba.ad bujhne lagtī hai

    jin lahroñ aur un se janm lene vaalī āvāzoñ ko

    sañg-dil shā.ir phaḌphaḌāhaT se ta.abīr kar rahā hai

    vo sañg-lāḳh vaadī dukh hai

    aur shikasta-hāl jhoñpaḌī ek muazziz shā.ir kā.enāt hai

    *

    fitrat ke hāshiya-navīsoñ ne

    chand bosīda ḳhvāhishāt ka.ī phaTī chādareñ oḌh kar

    ḳhud ko fitrat ke rañgoñ meñ rañgne se

    apne ta.iiñ camouflage kar liyā hai

    kyā vo kaTī phaTī chādaroñ se

    pattharoñ ko rote bilakte nahīñ dekh sakte

    fitrat ne un ko bhī pighal jaane kamzorī se āshnā kiyā hai

    lekin vo shā.irī nahīñ karte

    *

    duniyā ke tamām shā.ir

    kurra-e-arz par pattharoñ ke mābadoñ meñ mahbūs haiñ

    lekin vo un se nazreñ churā kar

    atrāf meñ khil uThne vaale rañgīn shagūfoñ

    tahrīrī musavvirī meñ magan haiñ

    shā.ir se behtar kaun jaan saktā hai

    ki arzī kokh se insān janm mashaqqat meñ huā hai

    aur use zindagī is tarah ga.ī hai

    jaise koī shikasta-hāl jhoñpaḌī meñ dāḳhil ho

    *

    bosīda ḳhvāhishāt kaTī phaTī chādareñ oḌhne vaale

    ḳhud ko muazziz samajhne par musir hai

    ai dil meñ sañg-lāḳh vaadī ta.amīr karne vaale mahbūb

    kyā tum unheñ ye batā sakte ho

    ki pattharoñ husn lā-zavāl hotā hai

    tumhaare dil ki sang-laKH wadi mein

    dushwar-guzar aur pur-pech raston ke beach

    kahin kisi maqam par

    ek shikasta-haal jhonpaDi garm hawa ke thapeDon se

    apni zang-alud meKHon ke bal par

    waise hi phaDphaDa rahi hai

    jaise diye ki jaan-ba-lab lau

    andheron ko shikast dene ke baad bujhne lagti hai

    jin lahron aur un se janm lene wali aawazon ko

    sang-dil shair phaDphaDahaT se tabir kar raha hai

    wo sang-laKH wadi ka dukh hai

    aur shikasta-haal jhonpaDi ek muazziz shair ki kaenat hai

    *

    fitrat ke hashiya-nawison ne

    chand bosida KHwahishat ki kai phaTi chadaren oDh kar

    KHud ko fitrat ke rangon mein rangne se

    apne tain camouflage kar liya hai

    kya wo kaTi phaTi chadaron se

    pattharon ko rote bilakte nahin dekh sakte

    fitrat ne un ko bhi pighal jaane ki kamzori se aashna kiya hai

    lekin wo shairi nahin karte

    *

    duniya ke tamam shair

    kurra-e-arz par pattharon ke mabadon mein mahbus hain

    lekin wo un se nazren chura kar

    atraf mein khil uThne wale rangin shagufon ki

    tahriri musawwiri mein magan hain

    shair se behtar kaun jaan sakta hai

    ki arzi kokh se insan ka janm mashaqqat mein hua hai

    aur use zindagi is tarah di gai hai

    jaise koi shikasta-haal jhonpaDi mein daKHil ho

    *

    bosida KHwahishat ki kaTi phaTi chadaren oDhne wale

    KHud ko muazziz samajhne par musir hai

    ai dil mein sang-laKH wadi tamir karne wale mahbub

    kya tum unhen ye bata sakte ho

    ki pattharon ka husn la-zawal hota hai

    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY