mudarris

log ustād jis ko kahte haiñ

us kā rutba aziim hotā hai

martaba us kā jo nahīñ samjhe

vo sadā zindagī meñ rotā hai

ilm kī ek anjuman ustād

phuul shāgird aur chaman ustād

kitnā ūñchā maqām hai us kā

saarī duniyā meñ naam hai us kā

zehn-o-dil ko sañvārte rahnā

raat din bas ye kaam hai us kā

fikr us kī jahāñ mahaktī hai

raah tārīk bhī chamaktī hai

fikr us kī surūr mahfil kā

fikr us kī sukūn sāhil kā

fikr us kī charāġh hai dil kā

fikr us kī hai nuur manzil kā

us kā saayā ḳhudā kī rahmat hai

tarbiyat us kī ek ne.amat hai

us kā jo ehtirām karte haiñ

donoñ aalam meñ un kī izzat hai

us kī ḳhidmat se nuur miltā hai

zindagī kā shu.ūr miltā hai

zindagī kā payām hai ustād

qābil-e-ehtirām hai ustād

log ustad jis ko kahte hain

us ka rutba azim hota hai

martaba us ka jo nahin samjhe

wo sada zindagi mein rota hai

ilm ki ek anjuman ustad

phul shagird aur chaman ustad

kitna uncha maqam hai us ka

sari duniya mein nam hai us ka

zehn-o-dil ko sanwarte rahna

raat din bas ye kaam hai us ka

fikr us ki jahan mahakti hai

rah tarik bhi chamakti hai

fikr us ki surur mahfil ka

fikr us ki sukun sahil ka

fikr us ki charagh hai dil ka

fikr us ki hai nur manzil ka

us ka saya KHuda ki rahmat hai

tarbiyat us ki ek neamat hai

us ka jo ehtiram karte hain

donon aalam mein un ki izzat hai

us ki KHidmat se nur milta hai

zindagi ka shuur milta hai

zindagi ka payam hai ustad

qabil-e-ehtiram hai ustad