muft mujhe badnam kiya

ḳhuub ye achchhā kaam kiyā

muft mujhe badnām kiyā

maiñ to chhoTā bachcha huuñ

dil kā apne sachchā huuñ

aaj laḌā kal mil lūñgā

duur shikāyat kar dūñgā

lekin ek laḌākā se

sab meñ tum ne 'aam kiyā

muft mujhe badnām kiyā

mujh ko kab thā andāza

chiiz kise maiñ lauTātā

paḌī milī thī raste meñ

rakh lī thī jo baste meñ

chhoTī sī is bhuul pe bas

chorī kā ilzām diyā

muft mujhe badnām kiyā

ahmar kī vo shoḳhī thī

us ne taḳhtī toḌī thī

mujh se teacher ne pūchhā

maiñ ne sach-sach bol diyā

merī sachchī bātoñ ko

chuġhlī kā kyoñ naam diyā

muft mujhe badnām kiyā

jaane sab kyā socheñge

jaane kyā kyā boleñge

merī bhī kuchh 'izzat hai

merī bhī kuchh qīmat hai

lekin nazroñ meñ sab kī

mujh ko yuuñ be-dām kiyā

muft mujhe badnām kiyā

nāhaq kā ye naam na do

bejā yuuñ ilzām na do

sach kyā hai tasdīq karo

rab se apne sadā Daro

āḳhir tum ne duniyā ko

ye kaisā paiġhām diyā

muft mujhe badnām kiyā

KHub ye achchha kaam kiya

muft mujhe badnam kiya

main to chhoTa bachcha hun

dil ka apne sachcha hun

aaj laDa kal mil lunga

dur shikayat kar dunga

lekin ek laDaka se

sab mein tum ne 'am kiya

muft mujhe badnam kiya

mujh ko kab tha andaza

chiz kise main lauTata

paDi mili thi raste mein

rakh li thi jo baste mein

chhoTi si is bhul pe bas

chori ka ilzam diya

muft mujhe badnam kiya

ahmar ki wo shoKHi thi

us ne taKHti toDi thi

mujh se teacher ne puchha

main ne sach-sach bol diya

meri sachchi baaton ko

chughli ka kyon nam diya

muft mujhe badnam kiya

jaane sab kya sochenge

jaane kya kya bolenge

meri bhi kuchh 'izzat hai

meri bhi kuchh qimat hai

lekin nazron mein sab ki

mujh ko yun be-dam kiya

muft mujhe badnam kiya

nahaq ka ye nam na do

beja yun ilzam na do

sach kya hai tasdiq karo

rab se apne sada Daro

aaKHir tum ne duniya ko

ye kaisa paigham diya

muft mujhe badnam kiya