muhasara

ḳhvāb kī bālkanī

bālkanī par ye saraktī huī parchhā.īñ mirii...

sāmne bālkanī ke nīche

barf meñ lithḌā huā

raushnī rotā huā balb abhī zinda hai

ek ehsās-e-ziyāñ baaqī hai

raat ke zīna-e-pechāñ se utarne lagī tanhā.ī mirī

is ke katbe pe tabāhī kā ye taaza bosa

sirf bose kā nishāñ baaqī hai

nīm-jāñ dā.era-e-nauha-girāñ baaqī hai

ruuh ke taar khiñche haiñ jin par

vaqt vāmāñda parinde kī tarah

laam

Te

kaaf

alif

huā chīḳhtā hai

maut atrāf-o-javānib meñ

kisī vahshī darinde kī tarah phirtī hai

jism ke chāroñ taraf

dard kī tārīk fasīl

zaat ke habs meñ kumhlā ga.ī āvāz mirī

ġham ke yalġhār se dil band huā

qalb-e-paivandi-e-ġham to hogī

shahr meñ koī dhaḌaktā huā dil

dil... kī koī taaza qalam to hogī

KHwab ki baalkani

baalkani par ye sarakti hui parchhain meri

samne baalkani ke niche

barf mein lithDa hua

raushni rota hua balb abhi zinda hai

ek ehsas-e-ziyan baqi hai

raat ke zina-e-pechan se utarne lagi tanhai meri

is ke katbe pe tabahi ka ye taza bosa

sirf bose ka nishan baqi hai

nim-jaan daera-e-nauha-giran baqi hai

ruh ke tar khinche hain jin par

waqt wamanda parinde ki tarah

lam

Te

kaf

alif

hua chiKHta hai

maut atraf-o-jawanib mein

kisi wahshi darinde ki tarah phirti hai

jism ke chaaron taraf

dard ki tarik fasil

zat ke habs mein kumhla gai aawaz meri

gham ke yalghaar se dil band hua

qalb-e-paiwandi-e-gham to hogi

shahr mein koi dhaDakta hua dil

dil ki koi taza qalam to hogi