mujh jaisa

dhund boltī hai

ek tavīl be-zār-kun ḳhāmoshī meñ

ḳhāmoshī jo nahīñ dekh saktī

us paar jahāñ kuchh hai

us dhund ke rishte se har koī

vahāñ jaanā chāhtā hai

koī laḌkī

yā us ke rishte se koī aur

jo haath thaam kar le jaa.e

dhund ke lā-mutanāhī silsiloñ ke paar

vo dhund jis ke pīchhe ḳhuun kā dariyā bahtā hai

vo jis ke pīchhe sannāToñ meñ ghirī shab meñ

koī sisaktā hai

aur vo jahāñ koī fankār

ḳhud par taarī be-zārī se martā hai

ho saktā hai

dhund ke paar dhund kī shakl vāzeh ho

aur lafz vajūd rakhtā ho

āvāz meñ lahak ho

ho saktā hai

kisī ham-shakl se mulāqāt ho jaa.e

dhund bolti hai

ek tawil be-zar-kun KHamoshi mein

KHamoshi jo nahin dekh sakti

us par jahan kuchh hai

us dhund ke rishte se har koi

wahan jaana chahta hai

koi laDki

ya us ke rishte se koi aur

jo hath tham kar le jae

dhund ke la-mutanahi silsilon ke par

wo dhund jis ke pichhe KHun ka dariya bahta hai

wo jis ke pichhe sannaTon mein ghiri shab mein

koi sisakta hai

aur wo jahan koi fankar

KHud par tari be-zari se marta hai

ho sakta hai

dhund ke par dhund ki shakl wazeh ho

aur lafz wajud rakhta ho

aawaz mein lahak ho

ho sakta hai

kisi ham-shakl se mulaqat ho jae