mujhe aazad hona hai

maiñ apnī zaat ke zindān meñ kab tak rahūñ tanhā

sahūñ tanhā maiñ apne aap ko kab tak

bhalā kab tak

udāsī aur tanhā.ī ke in be-zā.iqa zaḳhmoñ ko

paiham chāTtā jā.ūñ

musalsal jāgtā jā.ūñ

ki habs-e-mustaqil meñ zindagī karne se behtar hai

maiñ apne ḳhol se bāhar nikal aa.uuñ

kisī ḳhud-kush dhamāka karne vaale se lipaT jā.ūñ

bikhar jā.ūñ

mire apne bhī to kuchh ḳhvāb haiñ 'jāzil'

jo merī niiñd kī vaadī meñ aane kī tamannā

dil meñ rakhte haiñ

jo merī raah takte haiñ

mujhe ḳhvāboñ ko āñkhoñ meñ pironā hai

mujhe āzād honā hai

main apni zat ke zindan mein kab tak rahun tanha

sahun tanha main apne aap ko kab tak

bhala kab tak

udasi aur tanhai ke in be-zaiqa zaKHmon ko

paiham chaTta jaun

musalsal jagta jaun

ki habs-e-mustaqil mein zindagi karne se behtar hai

main apne KHol se bahar nikal aaun

kisi KHud-kush dhamaka karne wale se lipaT jaun

bikhar jaun

mere apne bhi to kuchh KHwab hain 'jazil'

jo meri nind ki wadi mein aane ki tamanna

dil mein rakhte hain

jo meri rah takte hain

mujhe KHwabon ko aankhon mein pirona hai

mujhe aazad hona hai