aaj ik aur baras biit gayā us ke baġhair

jis ke hote hue hote the zamāne mere

CANCEL DOWNLOAD SHER

mujhe apna jalwa dikha

Rafiq Sandelvi

mujhe apna jalwa dikha

Rafiq Sandelvi

MORE BYRafiq Sandelvi

    sitāre

    mujhe apnā jalva dikhā

    vaqt ke kis ḳhalā meñ

    mazāhir kis kahkashāñ meñ

    zamāne ke kis dubb-e-akbar meñ

    terā Thikāna hai

    lākhoñ baras se

    tujhe dekhne talab meñ

    jūñhī shaam Dhaltī hai

    maiñ ḳhud-ba-ḳhud khiñchtā aatā huuñ

    is ġhār-e-shab meñ!

    ajab ġhaar hai

    ek bāzār hai

    sail-e-lam.āt

    aa.ine nasb haiñ

    rañg uḌte haiñ

    shīshoñ ke pīchhe

    chamakdār chīzoñ ambār hai

    reshmīñ thaan khulte haiñ

    ek ek kar ke

    tahoñ par taheñ

    lagtī jaatī haiñ

    muqayyash, fardār kapḌoñ

    ā.ankhoñ meñ

    chobī munaqqash chhatoñ se

    umañDtī huī raushnī

    jhilmilātī hai

    lahroñ sūrat

    zarī jhālaroñ par

    mutallā lakīroñ pe

    chāñdī ke pannoñ pe

    silkī mahīn aur ghane hāshiyoñ par

    sitāre damakte haiñ

    mavvāj jaalī se

    āvāz aatī hai

    dekheñ

    bāzār meñ is se baḌh kar murassā

    koī aur kapḌā nahīñ hai

    ise jo bhī pahnegā

    bilkul sitāra lagegā

    sitāre ke mānind chamkegā

    kyā maiñ tujhe dekh pā.ūñgā

    is lan-tarānī ke gumbad meñ

    merī sadā gūñjtī rahegī

    na jaane tujhe kis ke malbūs par

    ḳhvāb nok-e-sozan se

    Tāñkā gayā hai!!

    sitare

    mujhe apna jalwa dikha

    waqt ke kis KHala mein

    mazahir ki kis kahkashan mein

    zamane ke kis dubb-e-akbar mein

    tera Thikana hai

    lakhon baras se

    tujhe dekhne ki talab mein

    junhi sham Dhalti hai

    main KHud-ba-KHud khinchta aata hun

    is ghaar-e-shab mein!

    ajab ghaar hai

    ek bazar hai

    sail-e-lamat ka

    aaine nasb hain

    rang uDte hain

    shishon ke pichhe

    chamakdar chizon ka ambar hai

    reshmin than khulte hain

    ek ek kar ke

    tahon par tahen

    lagti jati hain

    muqayyash, fardar kapDon ki

    aaankhon mein

    chobi munaqqash chhaton se

    umanDti hui raushni

    jhilmilati hai

    lahron ki surat

    zari jhaalaron par

    mutalla lakiron pe

    chandi ke pannon pe

    silki mahin aur ghane hashiyon par

    sitare damakte hain

    mawwaj jali se

    aawaz aati hai

    dekhen ji

    bazar mein is se baDh kar murassa

    koi aur kapDa nahin hai

    ise jo bhi pahnega

    bilkul sitara lagega

    sitare ke manind chamkega

    kya main tujhe dekh paunga

    is lan-tarani ke gumbad mein

    meri sada gunjti hi rahegi

    na jaane tujhe kis ke malbus par

    KHwab ki nok-e-sozan se

    Tanka gaya hai!!

    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY

    Jashn-e-Rekhta | 8-9-10 December 2023 - Major Dhyan Chand National Stadium, Near India Gate - New Delhi

    GET YOUR PASS
    Speak Now