mujhe bhul ja

Shakeel Badayuni

mujhe bhul ja

Shakeel Badayuni

MORE BYShakeel Badayuni

    mire sāqiyā mujhe bhuul

    mire dilrubā mujhe bhuul

    na vo dil rahā na vo rahā

    na vo daur-e-aish-o-ḳhushī rahā

    na vo rabt-o-zabt-e-dilī rahā

    na vo auj-e-tishna-labī rahā

    na vo zauq-e-bāda-kashī rahā

    maiñ alam-navāz huuñ āj-kal

    maiñ shikasta-sāz huuñ āj-kal

    maiñ sarāpā raaz huuñ āj-kal

    mujhe ab ḳhayāl meñ bhī na milā

    mujhe bhuul mujhe bhuul

    mujhe zindagī se azīz-tar

    faqat ek terī zaat thī

    tirī har nigāh mire liye

    sabab-e-sukūn-e-hayāt thī

    mirī dāstān-e-vafā kabhī

    tirī sharh-e-husn-e-sifāt thī

    magar ab to rañg aur hai

    na vo tarz hai na vo taur hai

    ye sitam bhī qābil-e-ġhaur hai

    tujhe apne husn vāsta

    mujhe bhuul mujhe bhuul

    qasam iztirāb-e-hayāt

    mujhe ḳhāmushī meñ qarār hai

    mire sahn-e-gulshan-e-ishq meñ

    na ḳhizāñ hai ab na bahār hai

    yahī dil thā raunaq-e-anjuman

    yahī dil charāġh-e-mazār hai

    mujhe ab sukūn-e-digar na de

    mujhe ab naved-e-sahar na de

    mujhe ab fareb-e-nazar na de

    na ho vahm-e-ishq meñ mubtalā

    mujhe bhuul mujhe bhuul

    mere saqiya mujhe bhul ja

    mere dilruba mujhe bhul ja

    na wo dil raha na wo ji raha

    na wo daur-e-aish-o-KHushi raha

    na wo rabt-o-zabt-e-dili raha

    na wo auj-e-tishna-labi raha

    na wo zauq-e-baada-kashi raha

    main alam-nawaz hun aaj-kal

    main shikasta-saz hun aaj-kal

    main sarapa raaz hun aaj-kal

    mujhe ab KHayal mein bhi na mila

    mujhe bhul ja mujhe bhul ja

    mujhe zindagi se aziz-tar

    faqat ek teri hi zat thi

    teri har nigah mere liye

    sabab-e-sukun-e-hayat thi

    meri dastan-e-wafa kabhi

    teri sharh-e-husn-e-sifat thi

    magar ab to rang hi aur hai

    na wo tarz hai na wo taur hai

    ye sitam bhi qabil-e-ghaur hai

    tujhe apne husn ka wasta

    mujhe bhul ja mujhe bhul ja

    qasam iztirab-e-hayat ki

    mujhe KHamushi mein qarar hai

    mere sahn-e-gulshan-e-ishq mein

    na KHizan hai ab na bahaar hai

    yahi dil tha raunaq-e-anjuman

    yahi dil charagh-e-mazar hai

    mujhe ab sukun-e-digar na de

    mujhe ab nawed-e-sahar na de

    mujhe ab fareb-e-nazar na de

    na ho wahm-e-ishq mein mubtala

    mujhe bhul ja mujhe bhul ja

    Source :
    • Book : Kulliyat Shakeel (Pg. 322)
    • Publication : Fareed Book Depot Pvt. Ltd.
    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY